Iordanııada bir táýlikte koronavırýs juqtyrǵan 489 adamnyń 11-i qaıtys boldy

AMMAN. QazAqparat – Senbi, 11 qyrkúıek kúni Iordanııada koronavırýs juqtyrǵan 489 adamnyń 11-i qaıtys boldy, dep habarlaıdy QazAqparat tilshisi Koroldiktiń Densaýlyq saqtaý mınıstrligine silteme jasap.

Daǵdarys bastalǵaly vırýs juqtyrǵandar sany 806 501 adamǵa jetti.

Ótken táýlikterde medıtsına uıymdaryna 73 naýqas kelip tústi, onyń 39-y jazylǵan soń aýrýhanadan shyǵaryldy. Aýrýhanalarda qazirgi tańda barlyǵy 528 patsıent jatyr. 20664 PTsR-testtiń 2,37% oń nátıje berdi. Juma kúngi nátıeje 2,91% bolǵan.

Jalpy alaǵanda COVID-19 juqtyrýdyń 12 151 belsendi jaǵdaıy tirkeldi. Pandemııa bastalǵaly koronavırýs ınfektsııasynan qaıtys bolǵandar sany 10 452-ge jetti.

Iordanııanyń Densaýlyq saqtaý mınıstrligi sonymen qatar, sheteelde jumys istep, sonda turatyn jáne qytaılyq «Sinopharm» vaktsınasyn saldyrǵan azamattarǵa «Pfizer» vaktsınasynyń úshinshi dozasyn salý jumystary jalǵasyp jatqanyn aıtty.

Jaqynda Mınıstrlik eldegi koronavırýsqa qarsy vaktsına saldyrǵandar týraly málimetterdi jarııalady.

Ulttyq platformada COVID-19 vırýsyna qarsy vaktsına saldyrǵan 4 mln-nan astam adam tirkelgen.

Koronavırýsqa qarsy vaktsınanyń birinshi komponentin saldyrǵandar sany 3,5 mln adamǵa jetti. Al vaktsınanyń eki komponentin saldyrǵandar sany 3 mln.

Arsen Óteshev