Iordanııada «Ámire» jáne «Anaǵa aparar jol» fılmderi kórsetildi

AMMAN. QazAqparat – Iordanııa Hashımıt Koroldiginiń astanasy Amman qalasynda IHK-daǵy QR Elshiligi uıymdastyrǵan Qazaqstan kıno kúnderi sátti ótti. Bul týraly Iordanııadaǵy QazAqparattyń tilshisi habarlaıdy.

«Rýhanı jańǵyrý» baǵdarlamasy aıasynda «Ámire» jáne «Anaǵa aparar jol» fılmderi kórsetildi.

«Qazaqstandyq fılmder halyqaralyq deńgeıde tanyldy. Mysaly, «Ámire» fılmi Gollıvýd kınofestıvaliniń jeńimpazy atanyp, Rıchmondtaǵy halyqaralyq kınofestıvalde eki júlde aldy. Biz osy mádenı oqıǵanyń Qazaqstan men Iordanııa halyqtaryn birlestirip, dostyq qatynasty odan ári nyǵaıtady dep úmittenemiz», - dep málimdedi Iordanııadaǵy Qazaqstan Elshisi Aıdarbek Týmatov.

Óz kezeginde tanymal ıordanııalyq óner qaıratkerleri QR Elshiligine alǵys aıtyp, «QazAqparat» HAA-ǵa bergen suhbatynda qazaqstandyq kınematografııanyń jetistikterin joǵary baǵalady.

«Bul fılmder kóptegen halyqaralyq syılyqtar ıelendi. Búgingi kórsetilim ıordanııalyqtarǵa qazaq mádenıeti týraly kóbirek bilýge múmkindik berdi. Biizdiń kınematografııa jónindegi Koroldik komıssııasy sizderdiń tarıhyńyzdaǵy qıyn kezeńderdegi adamdar týraly oqıǵalardy qoldaıdy. Bul bir-birimiz týraly jaqynnan bilýge múmkindik berip otyr», - dep pikir bildirdi Kommýnıkatsııalar jáne mádenıet bóliminiń dırektory Nada Dýmanı.

Aıta ketsek, atalǵan sharany uıymdastyrýǵa kómek kórsetkeni úshin QR Elshisi Aıdarbek Týmatov kınematografııa boıynsha Koroldik Komıssarlar Keńesiniń tóraǵasyna, hanshaıym Rım Alıge alǵys aıtty.