Iordanııada 4,7 baldyq jer silkinisi boldy

ASTANA. KAZINFORM — Iordanııanyń ońtústigindegi Akaba shyǵanaǵynda seısmıkalyq belsendilik tirkeldi, dúmpý kórshiles aýmaqtarda da sezildi, dep habarlaıdy Kazinform agenttiginiń menshikti tilshisi.

Zemletrıasenıe magnıtýdoı 4,7 proızoshlo v Iordanıı, podzemnye tolchkı oşýtılı ı v Izraıle
Foto: unsplash.com/snowscat

11 qarasha, sársenbi kúni jergilikti ýaqyt boıynsha saǵat 12:24-te Akaba shyǵanaǵynda magnıtýdasy 4,7 baldyq jer silkinisi boldy. Iordanııa seısmologııalyq observatorııasynyń málimeti boıynsha, jer silkinisiniń epıtsentri Akaba qalasynan shamamen 38 shaqyrym ońtústikte, sý túbinde, 10 shaqyrym tereńdikte ornalasqan. Bul týraly Al Mamlaka TV habarlady.

Jer silkinisi Akaba turǵyndaryna sezildi. Iordanııada ázirge qurbandar men qıraýlar týraly aqparat joq.

Dúmpýdiń kúshi kórshi Izraıldiń Eılat pen Arava aımaǵynda da sezildi. Izraıldiń Geologııalyq qyzmetiniń málimeti boıynsha, jer silkinisiniń magnıtýdasy 4,5 bal, al epıtsentri Mysyrdyń Taba qalasynyń mańynda 8 shaqyrym tereńdikte ornalasqan. 

The Times of Israel basylymynyń habarlaýynsha, jer silkinisinen keıin Eılat pen onyń aınalasyndaǵy aýdandarda dabyl júıesi iske qosyldy. Izraıldiń ishki ister mınıstrligi turǵyndardy ǵımarattardy bosatyp, syrtqa shyǵýǵa shaqyrdy.

Eılat mańyndaǵy Ramon áýejaıyndaǵy reıster ýaqytsha toqtatyldy, al qyzmetkerler men jolaýshylar evakýatsııalandy. Infraqurylymǵa tekseris júrgizilip, sodan keıin ǵana áýejaı qalypty jumysyn jalǵastyrdy.

Izraıl bıligi zardap shekkender men keltirilgen zalal týraly habarlar kelip túspegenin málimdedi. Tekserý aıaqtalǵannan keıin turǵyndarǵa ǵımarattarǵa qaıta kirýge ruqsat etildi.

Aqaba shyǵanaǵy Taıaý Shyǵystyń birneshe eli arqyly ótetin, belsendi Óli teńiz tektonıkalyq jaryǵynda ornalasqan.

Aımaqta oqtyn-oqtyn qýaty ártúrli jer silkinisteri bolyp turady.

Buǵan deıin 5,7 baldyq jer silkinisi Japonııa jaǵalaýynda tirkelgen.

Sondaı-aq Reseı Kamchatkasynda 4,8 baldyq jer silkinisi tirkeldi.