Iordanııa turǵyny ota jasaǵan dárigerdiń onyń ishinde uıaly telefonyn qaldyrǵanyna shaǵymdanýda
ASTANA. QazAqparat - Iordanııanyń 36 jastaǵy turǵyny Hanan Mahmýd Abdýl Karım osy jyly sáýirde kesar tiligin jasatý arqyly bosanǵan. Oǵan otany Amman jeke aýrýhanalarynyń birinde jasaǵan. Nátıjesinde dúnıege deni saý bala keldi. Náresteniń jaǵdaıy jaqsy.
Alaıda anasynyń densaýlyǵy kúrt nasharlaı túsken. Hanan úıine oralǵannan keıin týystary onyń ishi «dirildeıtinin» baıqaǵan. Áıeldiń ishi qatty túıilip aýyryp, qozǵala almaı qınalǵan, dep habarlaıdy Rosbalt. Áıeldi dereý aýrýhanaǵa jetkizedi. Alaıda dárigerler onyń densaýlyǵy jaqsy ekenin aıtty. Artynsha áıeldi ál-Bashırdegi memlekettik klınıkaǵa jetkizedi. Onda rentgen qorytyndysy áıeldiń ishinde bir zat bar ekenin kórsetken, tekserý barysynda ol zat uıaly telefon bolyp shyqty. Bul gadjetti naýqastyń ishinde balany bosandyrǵan dáriger umyt qaldyrǵan bolýy múmkin. Hanan isiniń janjal týdyrǵany sonshalyq, másele el parlamentinde talqylandy. Depýtattardyń biri tipti, budan keıin Iordanııa úkimetinen «azamattarǵa degen tıtteı syılastyǵy qalsa», otstavkaǵa ketýin talap etti. Al osy eldiń Densaýlyq saqtaý mınıstrligi bul oqıǵanyń jalǵan ekenin málimdeýde. Ázirge Iordanııanyń quzyretti organdary tyńǵylyqty tergeý júrgizýde.
