Iordanııa Sırııamen shekaradaǵy Djabır beketin japty
ASTANA. KAZINFORM – Sırııanyń ońtústigindegi qaýipsizdik máselesine baılanysty Iordanııanyń ishki ister mınıstri shekara beketin jabý týraly sheshim qabyldady, dep habarlaıdy Anadoly agenttigi.
Iordanııanyń PETRA aqparattyq agenttigi ishki ister mınıstri Fýraıeniń málimdemesin taratty.
Onda Sırııanyń ońtústigindegi qaýipsizdik máselesine baılanysty Iordanııa men Sırııa shekarasyndaǵy Djabır shekara beketiniń jabylatyndyǵy týraly aıtylǵan.
Mınıstrdiń sózinshe, Iordanııa Sırııadaǵy oqıǵalardy jiti baqylap otyr.
Sheshimge sáıkes, memleket halqy men ıordanııalyq júk kólikterine elge oralýǵa ruqsat etiledi. Al Sırııa aýmaǵyna baratyn júk kólikterine shyǵýǵa tyıym salynady.
Eske salsaq, qarýly top Sırııanyń tórtinshi úlken qalasy Hamany basyp alǵan bolatyn. Hama qalasy strategııalyq mańyzdy ortalyq sanalady. Sırııa úkimetiniń áskeri qaladan shegingenin jarııalady.