Iordanııa patshaıymy taqqan boıtumar ulttyq áshekeıimizge suranysty arttyrdy – zerger

ASTANA. KAZINFORM – 2016 jyly Iordanııa Táýelsizdiginiń 70 jyldyǵyna arnalǵan sharada memleket patshaıymy Ranııa ál-Abdýlla qazaq boıtumaryn taǵyp shyqqan edi. Áshekeıdi jasaǵan zerger, restavrator Berik Álibaı 9 jyl burynǵy oqıǵanyń qalaı bolǵanyn aıtyp berdi.

Рания патшайым
Фото: www.therealmyroyals.com

− Bul tumarshany Ranııa patshaıymǵa tikeleı bergen joqpyn. Maǵan qansha adam tapsyrys berip, buıym jasatady, ony joǵary laýazymdy tulǵalarǵa syıǵa tartady. Men de: «Bul buıymdy kimge syılaısyń?» - dep suramaımyn. Kúnderdiń kúni Mádenıet komıtetiniń qyzmetkerleri habarlasyp: «Iordanııa patshaıymynyń moınyndaǵy alqa qazaqtyń ulttyq áshekeıi me, anyqtap berińizshi», - dep bir sýretti jiberdi. Ol sýret kózime ottaı basyldy! Bul qazaqtyń áshekeıi ǵana emes, meniń qolymnan shyqqan zergerlik buıym ekenin aıttym, − dedi Berik Álibaı agenttik tilshisine bergen suhbatynda.

zerger
Foto: B. Álibaıdyń jeke muraǵatynan

Osydan keıin jýrnalıster zergerden suhbat alyp, túrli maqalalar jaryq kórip, qazaq áshekeıine suranys kóbeıipti.

Ranııa patshaıym
Foto: www.therealmyroyals.com

− Ranııa – dúnıe júzine tanymal tulǵa, kóptegen is-sharada osy áshekeımen júrdi. Moınynda qazaqtyń tumarshasy, qolynda besbilezik, qandaı keremet?! Osydan keıin ulttyq áshekeıimizge suranys artty deýge bolady. Qazir de boıtumarǵa suranys óte kóp, tipti jasap úlgermeımiz, - deıdi Berik Álibaı.

Ranııa patshaıym
Foto: www.facebook.com/zhanar.ru
Ranııa patshaıym
Foto: www.facebook.com/zhanar.ru

Buǵan deıin Kazinform Iordan kóshbasshysy Abdalla ІІ ómiriniń qyzyqty faktilerin jınaqtaǵan edi. Monarh Qazaqstanǵa birneshe márte saparlaǵan. Al elder arasyndaǵy yntymaqtastyq ekonomıka, ınvestıtsııa, saýda jáne áskerı salalardy qamtıdy.

Ranııa patshaıym
Foto: www.therealmyroyals.com

Aıta keteıik, Qazaqstan Prezıdenti Qasym-Jomart Toqaev 18-19 aqpan kúnderi Iordanııaǵa birinshi resmı saparmen barady. Sapar barysynda saýda-ekonomıkalyq jáne mádenı-gýmanıtarlyq salalardaǵy ekijaqty yntymaqtastyqty odan ári damytýǵa baǵyttalǵan joǵary deńgeıdegi kelissózder ótedi.

Astana men Ammannyń ózara qarym-qatynasy jaıynda myna materıaldan bile alasyz.

Сейчас читают