Iordanııa men Sırııa shekarasynda AQSh-tyń 3 áskerı qyzmetkeri qaza tapty
SIRIıA. KAZINFORM — Sırııamen shekaralas Iordanııa aýmaǵynda áýe soqqysynyń saldarynan 3 amerıkalyq áskerı qyzmetker qaza taýyp, taǵy 25-i jaralandy.
CNN-niń habarlaýynsha, shabýyl Iordanııanyń soltústik-shyǵysyndaǵy amerıkalyq Tower 22 munarasyna jasalǵan. Ol Sırııa-Iordanııa shekarasynyń boıynda ornalasqan jáne ony negizinen mıssııaǵa qatysýshy áskerı qyzmetkerler Iordanııa kúshterine keńes berý jáne kómek kórsetý úshin paıdalanady.
AQSh Ortalyq qolbasshylyǵynyń jeksenbi kúngi málimdemesinde «Iordanııanyń soltústik-shyǵysyndaǵy bazaǵa birjaqty ushqyshsyz ushaqpen jasalǵan shabýyldan 3 sarbazdyń qaza tapqanyn jáne 25-iniń jaralanǵany» rastaldy.
Prezıdent Djo Baıden shabýylǵa kinálilerdi jaýapqa tartýǵa ýáde berdi.
- Biz bul shabýylǵa qatysty faktilerdi áli jınap jatyrmyz. Degenmen, ony Sırııa men Irakta áreket etetin Irannyń qoldaýyndaǵy radıkaldy sodyrlar jasaǵanyn bilemiz, - dedi Baıden.
