Iordanııa men BAÁ Gazaǵa áýeden gýmanıtarlyq kómek jibere bastady
ASTANA. KAZINFORM — Izraıldiń blokadasynan týyndaǵan ashtyq aıasynda BAÁ men Iordanııa Gazaǵa gýmanıtarlyq kómekti áýeden tastaı bastady, dep habarlaıdy Anadoly.
Izraıldiń memlekettik KAN telearnasynyń habarlaýynsha, Birikken Arab Ámirlikteri men Iordanııanyń ushaqtary Gazadaǵy qalaǵa parashıýtpen segiz qorap gýmanıtarlyq kómek túsirdi.
Habarlamada atalǵandaı, bul qoraptardyń tórteýi Gazanyń Eski qala aýdanynda, al qalǵan tórteýi qalanyń soltústigindegi Zeıtýn yqsham aýdanynda tastalǵan.
Izraıl armııasy buǵan deıin juma kúninen bastap sheteldik memleketterge Gaza sektoryna áýeden gýmanıtarlyq kómek túsirýge ruqsat beretinin málimdegen bolatyn.
Buǵan deıin áýeden tastalǵan kómektiń saldarynan beıbit turǵyndardyń qaza tapqany týraly da habarlanǵan edi, sebebi keıbir qoraptar adamdardyń ústine qulaǵan.
Júkterdiń bir bóligi teńizge qulap ketkendikten, ashtyqtan zardap shekken turǵyndar jaǵalaýǵa aǵylýǵa májbúr boldy. Bul kómek jetkizý tásili qoǵam tarapynan synǵa ushyrady.
Izraıldiń blokadasynan týyndaǵan gýmanıtarlyq daǵdarys saldarynan Gaza sektorynda ashtyqtan kóz jumǵan palestınalyqtar sany 133 adamǵa jetti.