Iordanııa Koroli II Abdalla ıbn Hýseın Prezıdent pen Qazaqstan halqyna kóńil aıtty

AMMAN. QazAqparat – Iordan Hoshımıt Koroldiginiń Koroli II Abdalla ıbn Hýseın Qazaqstan Prezıdenti Qasym-Jomart Toqaevqa «Bek Air» kompanııasy ushaǵynyń qulaýyna baılanysty kóńil aıtý jedelhatyn joldady, dep habarlaıdy QazAqparat Iordanııanyń «Petra». memlekettik aqparat agenttigine silteme jasap.

Uly mártebeli II Abdalla ıbn Hýseın al-Hashımı óziniń jedelhatynda Qazaqstan Prezıdenti men qaıǵyly jaǵdaıdan ajal qushqan azamattardyń otbasyna shyn nıetpen kóńil aıtty.

Korol ushaq apatynan zardap shekken Qazaqstan azamattarynyń tezirek saýyǵyp ketýin tiledi.

Aıta keteıik, 27 jeltoqsanda Almaty-Nur-Sultan baǵytymen ushyp bara jatqan Bek Air kompanııasynyń 2100 reısi kenet apatqa ushyrap, beton qorshaýdy buzyp ótti. Artynan ushaq ekiqabatty ǵımaratpen soqtyǵysyp, 12 adam qaza boldy.

Oqıǵanyń hronologııasymen myna jerden tanysýǵa bolady.