Iordanııa Koroli el parlamentin taratty
ASTANA. Qarashanyń 24-i. QazAqparat - Iordanııa Koroli Abdalla Ekinshi 2007 jyldyń qarasha aıynda saılanǵannan eki jyldan keıin el parlamentin taratyp jiberdi.
Monarh eldiń zańnamalyq organyn alǵash ret merziminen buryn taratyp otyrǵan joq: depýtattardyń buǵan deıingi shaqyrylymy 2007 jyldyń tamyz aıynda merziminen buryn taratylǵan edi. 2003 jylǵy saılaý, koroldiń 2001 jyly parlamentti taratý týraly sheshiminen keıingi ekijyldyq úzilisten keıin ótken bolatyn, dep habarlaıdy QazAqparat «Novostı» reseılik jańalyqtar agenttigine silteme jasap.
Korol jarlyǵyna sáıkes parlamenttiń ókilettigi seısenbi kúni toqtaıdy. Jarlyqqa parlamenttiń taratylý sebebi kórsetilmegen, biraq ta, sarapshylardyń pikirinshe, memlekettiń konstıtýtsııalyq basshysynyń bul sheshimine depýtattardyń álsiz jumystary sebep bolýy múmkin.
Iordanııada qos palataly parlament - Ulttar Keńesi jumys isteıdi. Tómengi palata jappaı jasyryn daýys berý jolymen saılanady jáne 110 depýtattan turady. Al Joǵarǵy palatanyń 55 depýtatyn Koroldiń ózi taǵaıyndaıdy.
