Iordanııa koroli Karaktaǵy shabýylǵa qatań jaýap beretinin málimdedi
ASTANA. KAZINFORM — Iordanııa koroli Karak provıntsııasynda jerleý rásimine qatysýshylarǵa jasalǵan qarýly shabýyldan alty adam qaza tapqannan keıin málimdeme jasady, dep habarlaıdy Kazinform agenttiginiń menshikti tilshisi.
Iordanııa koroli II Abdalla 23 qazan, juma kúni Karak provıntsııasyndaǵy shabýyldy terrorıstik akt dep atap, kinálilerge qatysty eń qatań sharalar qoldanatynyn málimdedi.
Monarh tıisti málimdemeni X áleýmettik jelisindegi paraqshasynda jarııalady.
— Karakta jasalǵan terrorıstik aktige eń qatań sharalarmen jaýap beremiz. Satqyndyqpen atylǵan oq ıordanııalyqtardyń birligin buzady dep úmittengender bizdiń tabandylyǵymyz ben aýyzbirshiligimizge tap bolyp, qateleskenin túsindi, — dedi korol.
The terrorist attack against Karak will be met with the harshest retaliation. Those who delude themselves into thinking that they can divide Jordanians with their bullets have no chance in the face of our unity. All Jordanians, from north to south, are partners in land and fate, and nothing stands between them. Our deepest condolences to the families of the martyrs and we wish a speedy recovery to those injured. Every Jordanian life is precious, and we will strike with an iron fist against those who dare to threaten our nation
— عبدالله بن الحسين (@KingAbdullahII) October 23, 2026
II Abdalla Iordanııanyń barlyq turǵyny qaı óńirde turatynyna qaramastan, ortaq taǵdyr men el qaýipsizdigi úshin jaýapkershilik biriktiretinin atap ótti.
— Eldiń soltústiginen ońtústigine deıingi barlyq ıordanııalyqtyń týǵan jerine degen súıispenshiligi men ustanymy ortaq. Qaza tapqandardyń otbasyna qaıǵyra kóńil aıtyp, zardap shekkenderdiń tezirek saýyǵyp ketýine tilektestik bildiremiz. Árbir ıordanııalyqtyń ómiri qymbat. Elimizge qol suǵýǵa batyly barǵandarǵa qarsy temirdeı qatal áreket etemiz, — dep atap ótti monarh.
Osy ýaqytta Iordanııa premer-mınıstri Djafar Hasan Karak provıntsııasynyń ákimshiligi ǵımaratynda tıisti mınıstrler men quzyrly vedomstvolar basshylarynyń qatysýymen Qaýipsizdik keńesiniń otyrysyn ótkizdi.
Jıynda kúshtik qurylymdardyń shabýylǵa qatysty áreketteri, memlekettik organdardyń jumysyn úılestirý jáne tergeý barysy qaraldy.
Úkimettiń resmı habarlamasynda da bul oqıǵa terrorıstik qylmys retinde sıpattalǵan.
Iordanııanyń Qoǵamdyq qaýipsizdik basqarmasynyń resmı málimetinshe, Karak provıntsııasynda jerleý rásimine qatysýshylarǵa belgisiz qarýly adamdar shabýyl jasap, alty adam qaza tapqan. Taǵy 28 adam jaraqat alǵan.
Vedomstvo tergeý jalǵasyp jatqanyn jáne onyń nátıjeleri týraly tekserilgen aqparat túsken saıyn habarlanatynyn málimdedi.
Shabýyl 23 qazanda Iordanııanyń ońtústigindegi Karak provıntsııasynyń Hammýd aýylynda shirkeý mańynda bolǵan. Qazirgi ýaqytta shabýyl jasaǵandardyń kim ekeni jáne qylmystyń sebepteri resmı túrde anyqtalǵan joq.
