Iordanııa koroli el parlamentine jańa mindetter júktedi
ASTANA.KAZINFORM - Iordanııa Koroli II Abdalla jańa saılanǵan el parlament músheleri aldynda sóz sóıledi. Bul týraly Kazinform-nyń menshikti tilshisi habarlaıdy.
Koroldiń sózi Ókilder palatasy (tómengi palata) jáne Senat (joǵarǵy palata) kiretin jańa parlament jumysynyń resmı bastalýyn bildiredi.
Monarh óz sózinde ulttyq saıasattyń negizgi baǵyttaryn atap ótti, reformalardyń mańyzdylyǵyna toqtaldy jáne qazirgi aımaqtyq mindetter týraly aıtty.
Korol jańa parlament baǵdarlamalyq partııalardyń rólin kúsheıtýge, sondaı-aq áıelder men jastardyń qoǵamdyq-saıası ómirge qatysýyn arttyrýǵa baǵyttalǵan saıası reformalardy júzege asyrýdyń negizine aınalady degen senim bildirdi. Ol parlament pen úkimettiń Konstıtýtsııa qaǵıdattaryna súıene otyryp, birlesip jumys isteýi qajettigin atap ótti.
Abdýlla II ekonomıkany jańǵyrtýdy júzege asyrýdy jalǵastyrýdyń mańyzdylyǵyna toqtaldy. Ulttyq ekonomıkanyń áleýetin ashý, ósýdi jedeldetý jáne jastardy bolashaq mamandyqtarǵa daıyndaý syndy basty maqsattardy atady.
«Bizdiń maqsatymyz – laıyqty ómir súrýdi qamtamasyz etý, jastardyń múmkindikterin keńeıtý jáne olardy bolashaǵynyń jarqyn bolýyna jumys jasaý. Biz ulttyq ekonomıkanyń áleýetin ashyp, turaqty ósimge qol jetkizý úshin ekonomıkalyq reformalardy júzege asyrýdy jalǵastyrýymyz kerek», - dedi monarh.
Monarh sonymen qatar azamattarǵa qyzmet kórsetýdegi tıimdilik pen ádilettilikti arttyrý úshin memlekettik basqarý júıesin reformalaý qajettigin atap ótti.
