Iordanııa hanzadasy FIFA prezıdenti laýazymynan úmitti
ASTANA. QazAqparat - Iordanııa hanzadasy Álı bın Ál-Hýseın Halyqaralyq fýtbol federatsııasy (FIFA) prezıdentiniń qyzmetine daýysqa túspekshi ekenin málimdedi.
Bul týraly seısenbi, 6 qańtar kúni Reuters habarlady.
«Men FIFA prezıdentiniń qyzmetine óz kandıdatýramdy alǵa jyljytýdy sheshtim, óıtkeni jurtshylyqtyń nazaryn sońǵy janjaldardan buryp, ony qaıtadan sportqa aýdarý kerek dep oılaımyn», - dep atap ótti búgingi tańda ýaqytta FIFA vıtse-prezıdentiniń qyzmetin atqaryp júrgen Iordanııa hanzadasy.
Halyqaralyq fýtbol federatsııasynyń basshysyn saılaý 2015 jyldyń mamyr aıynda ótedi. Bul qyzmetke sondaı-aq federatsııanyń qazirgi basshysy Iozef Blatter men uıymnyń burynǵy bas hatshysy Jerom Shampan da úmitker bolyp otyr.
Sońǵy ýaqytta uıym jemqorlyqqa, atap aıtqanda 2018 jáne 2022 jyldardaǵy álem chempıonattaryn ótkizetin elderdi tańdaýǵa baılanysty isterge qatysty talaı ret aıyptaldy.
