Iordanııa hanzadasy FIFA basshysynyń qyzmetine kandıdat boldy
ASTANA. QazAqparat - Iordanııa hanzadasy Álı Hýseın beısenbi kúni FIFA prezıdenti qyzmetine kandıdatýrasyn resmı túrde tirkedi, dep jazady Bı-Bı-Sı.
Buǵan deıin Halyqaralyq fýtbol federatsııasy vıtse-prezıdentiniń qyzmetin atqarǵan hanzada ótinim berý úshin oǵan FIFA-nyń 209 múshesiniń beseýiniń qoldaýy qajet bolǵanyn habarlady. Ol ózin qoldaǵan toptaǵy adamdardyń esimderin ataýdan bas tartty.
FIFA jemqorlyq janjalynan áli kóz ashpaı otyr. Ótken aptada FIFA-nyń etıka komıteti uıym prezıdenti Zepp Blatter men ÝEFA basshysy Mıshel Platınıdi 90 kúnge qyzmetten shektetti.
FIFA-nyń jańa prezıdentin saılaý 2016 jyldyń 26 aqpanyna belgilendi.
