Iordanııa hanzadasy ál-Hýseın bın Abdýlla II men hanshaıym Radjva ál-Hýseın qyzdy boldy
ASTANA. KAZINFORM – Iordanııa hanzadasy ál-Hýseın bın Abdýlla II men hanshaıym Radjva ál-Hýseınniń otbasynda sábı dúnıege keldi. Bul týraly english.alarabiya.net jazdy.
Naqtyraq aıtqanda, Iordanııanyń Koroldik saraıy osy eldiń taq murageri Ál-Hýseın bın Abdýlla II-niń otbasyna jańa adam qosylǵanyn habarlady. Onyń áıeli Radjva ál-Hýseın qyz týdy.
Iordanııa koroli Abdalla II áleýmettik jelide nemeresiniń deni saý, baqýatty bolyp ósýine tilektestik bildirgen jazbasyn jarııalady.
Jup ótken jyldyń maýsym aıynda otaý qurdy. Úılený toıy Zahran saraıynyń alańynda dástúrli ıslamdyq rásimmen bastaldy, sodan keıin Ammannyń halyq kóp jınalatyn kósheleri arqyly Ál-Hýseın saraıyna deıin sherý ótkizdi.
Sol kúngi qurmetti qonaqtar tiziminde Ábý-Dabı taq murageri sheıh Haled ben Muhamed, AQSh-tyń birinshi hanymy Djıll Baıden, Ýılıam hanzada jáne Ýels hanshaıymy Ketrın jáne Katar Ámiriniń anasy Tamım sheıh Moza bınt Naser sııaqty álemdik kóshbasshylar men koroldik otbasy músheleri boldy.
سمو الأمير الحسين بن عبدالله الثاني، ولي العهد، يؤذن في أذن مولودته، سمو الأميرة إيمان بنت الحسين، اقتداء بسنة رسول الله، صلى الله عليه وسلم #الأردن #نبارك_للحسين pic.twitter.com/tqL46acUEv
— RHC (@RHCJO) August 3, 2024
