Iordanııa eki zymyrandy atyp túsirdi
ASTANA.KAZINFORM — Ammandaǵy Kazinform agenttiginiń menshikti tilshisi habarlaǵandaı, Iordanııa bıligi birneshe aımaqta zymyran synyqtarynyń túskenin rastady, qaza tapqandar joq.
Iordanııa bıligi koroldik aýmaǵyna baǵyttalǵan eki ballıstıkalyq zymyrandy atyp túsirgenin málimdedi. Arab armııasy men Iordanııa Qarýly kúshteriniń habarlaýynsha, senbi kúni zymyrandar áýe qorǵanys júıesi arqyly tabysty joıylǵan.
Iordanııa Qoǵamdyq qaýipsizdik qyzmetiniń málimetinshe, tańnan saǵat 14:00-ge deıin azamattyq qorǵanys qyzmeti men polıtsııa Amman, Zarka, Djerash, Madaba jáne Irbıd provıntsııalarynda 12 habarlamamen jumys istedi. Qaza tapqandar men jaralanǵandar joq, tek materıaldyq shyǵyn tirkelgen.
Buǵan deıin keıbir BAQ Ammandegi turǵyn úıge zymyran túskeni týraly habarlap, vıdeokadrlarmen birge tútin men jalyn kórsetken, biraq resmı bılik tikeleı soqqy túskenin rastamaǵan.
مقطع يوثق سقوط شظايا صاروخ في منطقة مرج الحمام بالعاصمة الأردنية عمّان#اخبار_المشهد #الاردن pic.twitter.com/lOI85d85V4
— Al Mashhad المشهد (@almashhadmedia) February 28, 2026
Iordanııa telearnasy «Al-Mamlıaka» zymyran synyǵynyń astanalyq Mardj ál-Hamam aýdanynda túskenin habarlady.
شاهد | لحظة سقوط شظايا صاروخ في مرج الحمام#الأردن #هنا_المملكة pic.twitter.com/DTRGbpuhuR
— قناة المملكة (@AlMamlakaTV) February 28, 2026
Iordanııa úkimettik kommýnıkatsııalar mınıstri jáne resmı ókili Muhammad al-Mýmanı aımaqtaǵy jaǵdaıdy muqııat baqylap otyrǵandaryn jáne basty mindet – memleket pen azamattardyń qaýipsizdigin qamtamasyz etý ekenin atap ótti.
— Iordanııa Qarýly kúshteri koroldik aýmaǵyna baǵyttalǵan eki ballıstıkalyq zymyrandy sátti atyp túsirdi, — dedi ol.
Eldiń ár aımaǵyna túsken synyqtar profıldi qyzmetter arqyly dereý joıylǵan.
Mınıstr azamattardy qaýipsizdik kúshteriniń nusqaýlaryn oryndaýǵa, rastalmaǵan aqparat taratpaýǵa jáne tek resmı derekterge súıenýge shaqyrdy. Qarýly kúshter tolyq daıyndyqqa qoıylǵan jáne kez kelgen qaýipke jaýap berýge ázir.
Bılik sonymen qatar, áýe qatynasy keshigýi múmkin bolǵandyqtan, jolaýshylarǵa áýejaıǵa barmas buryn reıster mártebesin avıakompanııadan aldyn ala tekserýdi usyndy.
Eske sala keteıik, senbi kúni Izraıl premer-mınıstri Bınıamın Netanıahý Izraıl men AQSh-tyń Iranǵa qarsy birlesken operatsııasyn jarııalap, Islam Respýblıkasynyń aýmaǵyna soqqy jasaǵan bolatyn. Tegeran Izraıl men AQSh-tyń Taıaý Shyǵystaǵy bazalaryna jaýap soqqylaryn júzege asyrdy.