Iordanııa astanasynda Abaı kóshesi ashyldy

AMMAN. QazAqparat – Amman qalasynda Abaı atyndaǵy kósheniń saltanatty ashylý rásimi ótti, dep habarlaıdy QR SІM baspasóz qyzmeti.

Qazaqstan Elshisi Aıdarbek Tumatov óz sózinde Iordanııa astanasynyń ortalyq kósheleriniń birine 175 jyldyǵy qarsańynda qazaqtyń kórnekti aqyny men oıshylynyń esimin berý eki el arasyndaǵy qarym-qatynastyń jáne baýyrlas qalalar – Nur-Sultan men Amman arasyndaǵy yntymaqtastyqtyń joǵary deńgeıiniń taǵy bir dáleli ekenin atap ótti.

Óz kezeginde Amman qalasy mýnıtsıpalıtetiniń qamqorshylar keńesiniń múshesi Ismaıl ál-Býstandjı bul is-shara baýyrlas qazaq halqynyń mádenıetiniń jarqyn ókili bolyp tabylatyn klassıktiń joǵary sheberligine degen qurmet ekenin atap ótti.