Iordanııa astanasynda polıtseıdi pyshaqtap óltirdi: bılik muny terakt dep otyr
ASTANA. KAZINFORM — Iordanııada Karak provıntsııasyndaǵy keıingi shabýyldan keıin taǵy bir zorlyq-zombylyq oqıǵasy tirkeldi. El astanasy Ammanda pyshaqpen jasalǵan shabýyl saldarynan polıtsııa qyzmetkeri qaza taýyp, taǵy biri jaralandy.
Oqıǵa 5 qarasha, beısenbi kúni boldy. Iordanııanyń Qoǵamdyq qaýipsizdik basqarmasynyń málimetinshe, kúdikti ustaldy. Aldyn ala tergeý nátıjeleri shabýyldyń aldyn ala josparlanǵan terrorıstik akt bolýy múmkin ekenin kórsetken.
Oqıǵa jergilikti ýaqyt boıynsha saǵat 12:20 shamasynda Shrı-Lanka elshiligine jaqyn ornalasqan Mádına ál-Mýnaýýara kóshesinde bolǵan. Quqyq qorǵaý organdarynyń málimetinshe, shabýyldaýshy polıtsııa qyzmetkerine kenetten tap berip, oǵan pyshaqpen birneshe ret soqqy jasaǵan.
Jaqyn mańda júrgen patrýl qyzmetkerleri oqıǵaǵa jedel aralasyp, shabýyldaýshyny ustady. Qaqtyǵys kezinde patrýl komandıriniń beti jaralandy.
Zardap shekkender aýrýhanaǵa jetkizildi. Alaıda polıtsııa qyzmetkerleriniń biri alǵan jaraqatynan kóz jumdy. Qaza tapqan adam — efreıtor Djavad Álı Halaf as-Salaıta. Ekinshi polıtseıdiń jaǵdaıy turaqty dep baǵalanyp otyr.
ببالغ الحزن والأسى، وبقلوب مؤمنة بقضاء الله وقدره، تنعى مديرية الأمن العام شهيد الوطن المغفور له بإذن الله: العريف جواد علي خلف السلايطة التفاصيل: https://t.co/Z1m71rWmQd #الأمن_العام #الأردن https://t.co/ADIc4Upc4k
— مديرية الأمن العام (@Police_Jo) November 5, 2026
Al Mamlaka telearnasynyń oqıǵa ornynda bolǵan tilshisiniń aıtýynsha, shabýyldaýshy qaza tapqan polıtseıdiń qarýyn tartyp alýǵa áreket jasaǵan. Alaıda basqa quqyq qorǵaý qyzmetkerleri buǵan jol bermedi. Ustalǵan adamnyń janynan eki qanjardy qosa alǵanda, birneshe sýyq qarý tabylǵan.
Iordanııa úkimetiniń resmı ókili, úkimettik kommýnıkatsııalar mınıstri Muhammad ál-Momanı tergeýdiń aldyn ala nátıjeleri bul oqıǵany terrorıstik akt retinde saralaýǵa negiz beretinin málimdedi.
Onyń aıtýynsha, premer-mınıstr Djafar Hasan tergeý barysyn jeke baqylaýyna alyp, shabýyldyń barlyq mán-jaıy men sebepterin jedel anyqtaýdy, sondaı-aq oǵan qatysy bar adamdardy jaýapqa tartýdy tapsyrǵan.
نائب الملك الأمير فيصل يعزي باستشهاد العريف السلايطة في الاعتداء الإرهابي #عاجل #هنا_المملكة https://t.co/hllBfKMqPd
— قناة المملكة (@AlMamlakaTV) November 5, 2026
Qazaqstanǵa resmı saparmen kelgen Iordanııa koroli Abdalla II de tergeý barysyn baqylap otyr. Monarhtyń mindetin ýaqytsha atqaryp júrgen hanzada Feısal ben ál-Hýseın jaralanǵan polıtseı jatqan medıtsınalyq ortalyqqa baryp, qaza tapqan qyzmetkerdiń otbasyna kóńil aıtty.
Eske salaıyq, bul shabýyl Iordanııanyń Karak provıntsııasynda 23 qazanda bolǵan teraktiden eki apta ótpeı tirkeldi. Ol kezde qarýly adamdar hrıstıan shirkeýiniń janyndaǵy jerleý rásimi kezinde oq jaýdyrǵan. Saldarynan toǵyz adam qaza taýyp, taǵy 40 adam jaralanǵan.
