Iordanııa álem chempıonatyna alǵash ret qatysady
ASTANA. KAZINFORM – Iordanııa óz tarıhynda alǵash ret aldaǵy álem chempıonatyna qatysyp, álemdik fýtboldyń bas júldesi úshin baq synasatyn 48 komandanyń biri bolady.
JordanWorldCup resmı aqparat portalynyń habarlaýynsha, bul erekshe jetistik – Iordanııanyń sport tarıhyndaǵy mańyzdy oqıǵa jáne kópjyldyq qajyrly eńbektiń nátıjesi.
Iordanııa álem chempıonatynyń irikteý oıyndarynda 32 gol soqty, bul onyń bir irikteý naýqanyndaǵy eń úzdik nátıjesi.
Iordanııadan basqa bıyl álem chempıonatynda debıýt jasaıtyn taǵy úsh komanda bar: Kabo-Verde, Kıýrasao jáne Ózbekstan.
Álem chempıonaty 11 maýsym men 19 shilde aralyǵynda AQSh, Kanada jáne Meksıkada ótedi, bul rette Iordanııa Argentına, Aljır jáne Aýstrııamen birge J tobyna túsedi.
Týrnırge qatysatyn komandalar sany 32-den 48-ge deıin, al matchtar sany 64-ten rekordtyq 104-ke deıin kóbeıdi.
Osyǵan deıin Irannyń fýtbol quramasy 2026 jylǵy ÁCh-ǵa arnalǵan jattyǵý bazasyn AQSh-tan Meksıkaǵa kóshiretinin jazdyq.
Sondaı-aq Ózbekstan ulttyq fýtbol quramasy Nıý-Iorktegi qaýipsizdik tekserisinen ótkeni habarlandy.
