Iordandyq hanzada BUU-nyń adam quqyqtary jónindegi joǵarǵy komıssary atandy
ASTANA. QazAqparat - BUU Bas Assambleıasy ıordandyq hanzada Zeıda al-Hýsseındi adam quqyqtary jónindegi joǵarǵy komıssar laýazymyna taǵaıyndady, dep habarlady RIA Novostı.
Budan buryn ıordandyq hanzadanyń kandıdatýrasyn bekitý nıeti týraly BUU bas hatshysy Pan Gı Mýn málimdegen bolatyn.
BUU janyndaǵy Iordanııa turaqty ókildigin basqarǵan Zeıd al-Hýsseın qyrkúıekte Ońtústik Afrıkalyq Navı Pılleıdi aýystyryp, adam quqyqtary jónindegi komıssar laýazymyna resmı kirisedi.
«Azııalyq qurlyqtan, sondaı-aq musylman, arab áleminen joǵarǵy komıssar atanǵan alǵashqy adam men boldym», - dep atap ótti BUU Bas assambleıasynda sóılegen sózinde Zeıd al-Hýsseın.
