Ion teńizinde bortynda 237 jolaýshy bar keme órtendi
NUR-SULTAN. QazAqparat – Búgin, jumada Ion teńizinde bortynda 237 jolaýshysy bar laınerde órt shyqty, dep habarlaıdy QazAqparat France-Presse agenttigine silteme jasap.
«Bortta 51 ekıpaj múshesi de bolǵan. Oqıǵa ornyna úsh patrýldik qaıyq pen jaǵalaý kúzetiniń úsh býksıri jiberildi», -delingen jergilikti polıtsııa qyzmetiniń málimdemesinde.
Oqıǵa Grekııanyń Korfý aralynyń jaǵalaýynda bolǵan. Aldyn ala málimet boıynsha, eshkim zardap shekpegen. Órttiń shyǵý sebebi áli belgisiz, oqıǵanyń mán-jaıy anyqtalyp jatyr, dep habarlady polıtsııa.
