Iogan Merkel Astana ataýyn ózgertýdiń Konstıtýtsııaǵa sáıkestigine pikir bildirdi
«Áleýmettik jelide Prezıdent ókilettigine ıe bolǵan adamnyń Konstıtýtsııaǵa ózgeris engizýge quqyǵy joq dep aıtylýda. 48-bapta belgilengen tikeleı tyıym da bar. Alaıda, bul tujyrymdar jetkilikti túrde rastalmaǵan aqparatqa negizdelgen. Qasym-Jomart Toqaev Parlamentke eshqandaı zań jobasyn usynbady, ol tek palatalardyń birlesken otyrysynda usynys jasady, naqty zań jobasyn Úkimet engizdi», - dedi Iogan Merkel QazAqparat tilshisine bergen suhbatynda.
Sarapshy Úkimet pen Parlamenttiń Konstıtýtsııaǵa túzetýler engizý týraly zań jobalaryn usynýǵa quqyly ekenin jáne onyń negizgi zańǵa qaıshy kelmeıtinin basa aıtty.
«Negizgi ruqsat berý erejesi Konstıtýtsııanyń 91-babynyń 2-tarmaǵynda baıandalǵan. Onda Konstıtýtsııaǵa qandaı ózgerister engizýge bolmaıtyny naqty aıtylǵan. Eń aldymen bul el táýelsizdigi, respýblıkanyń birtutastyǵy men aýmaqtyq tutastyǵy, ony basqarý nysany, sondaı-aq táýelsiz Qazaqstannyń negizin salýshy, Qazaqstan Respýblıkasynyń Tuńǵysh Prezıdenti - Elbasy irgesin qalaǵan Respýblıka qyzmetiniń túbegeıli prıntsıpteri jáne Elbasy mártebesine qatysty. Astanany qaıta ataý máselesi bul tarmaqta kórsetilmegen, sondyqtan biz qaıta ataý bastamasyna oń pikir bildirdik, óıtkeni esh buzýshylyq joq», - dep túsindirdi Iogan Merkel.
Sonymen birge, ol elordany qaıta ataý týraly óziniń jeke pikirin bildirdi.
«Qazaqstan azamaty retinde men jańa ataýǵa oń kózqarastamyn, óıtkeni, Tuńǵysh Prezıdent bolmasa, Astana qalasynyń bolmaıtyny bárimizge málim. Astanany aýystyrý nemese jańa qalany salý álem boıynsha ekonomıkany damytý lokomotıvi retinde paıdalanylady, bul jalpyǵa aıan. Sebebi keńselerdiń, mektepterdiń, ǵımarattardyń qurylysy ekonomıkamyzdyń barlyq salalaryn damytady. Eger mektep salynsa, onda ústelder kerek, ony kompıýtermen jabdyqtaý kerek jáne taǵy basqalar. Bizdiń astanamyzǵa kelsek, bul - Prezıdenttiń perzenti. Múmkin, jańadan kóship kelgen jastar muny bilmeıdi, men Astanany qazirgi qalpyna jetkizý úshin boıynsha eki-úsh jınalys ótkenin anyq bilemin», - dep óz sózin túıindedi Iogan Merkel.
