Ioan Andone «Astana» fýtbol klýbynyń bas bapkeri bolyp taǵaıyndaldy
ALMATY. 21 shilde. QazAqparat - Erten "Astana" fýtbol klýbynyń bas bapkeri Ioan Andone óz qyzmetine kirisedi.
Ol keshe, senbi kúni taǵaıyndaldy. Komandanyń baspasóz qyzmetiniń habarlaýynsha, 53 jastaǵy rýmyn bapkeri tek óz elinde ǵana emes Kıprdiń "Omonı», Saýd Arabııasynyń «Al-Ittıfak», Katardyń «Al-Ahlı», Bolgarııanyń "TsSKA" sııaqty komandalarda da jumys istegen tájirıbeli maman. Sońǵy ret Rýmynııa chempıonatynda 2012 jyly "ChFR Klýj" komandasymen el chempıony atanyp, Chempıondar lıgasynyń toptyq kezeńin sátti ótkizdi.
