Injenerlik-kommýnıkatsııalyq ınfraqurylym qurylysyna bólingen qarjynyń 89 paıyzy ıgerildi
ASTANA. 9 tamyz. QazAqparat - Bıyl turǵyn úı qurylysy aýdandarynda ınjenerlik-kommýnıkatsııalyq ınfraqurylymnyń qurylysyna 36,6 mlrd. teńge qarastyryldy.
Bul týraly búgin Óńirlik damý mınıstrliginiń alqa májilisinde atalǵan vedomstvonyń vıtse-mınıstri Qaıyrbek Óskenbaev málim etti.
«Onyń ishinde Aqmola oblysyndaǵy Qosshy aýylyn damytý boıynsha (Astananyń qanattas qalasy) aldyn ala jumystardy júrgizýge 1,225 mlrd teńge bólindi. Sonymen qatar Almatynyń 4 qanattas qalasynyń qurylysy boıynsha aldyn ala jumystardy júrgizýge Almaty oblysynda 5,375 mlrd. teńge ıgerilmek»,-dedi vıtse-mınıstr.
Q. Óskenbaevtyń sózine qaraǵanda, 6 aıdyń ishinde óńirlerge 16,8 mlrd. teńge aýdarylyp, onyń 14,9 mlrd. teńgesi ıgerildi.
Qarjynyń ıgerilýi turǵysynda tómen kórsetkish Jambyl oblysynda tirkelgen. Bul óńirde konkýrs kesh ótkizilgen kórinedi. Budan bólek sot talqylaýlaryna baılanysty Astanada merdigermen óndiris jumysy kestesinen qalys qalýy baıqalýda.
