Injener Nazarbaev zııatkerlik mektebinen 23 noýtbýk pen 2 fotoapparat urlaǵan
ALMATY. QazAqparat - Almatyda Nazarbaev zııatkerlik mektebin tonaǵan adam sottaldy, dep habarlaıdy QazAqparat tilshisi.
Qalalyq sottyń baspasóz qyzmeti habarlaǵandaı, 47 jastaǵy er adam Nazarbaev Zııatkerlik mektebiniń tehnıkalyq jabdyqtaý kompanııasynda jumys istegen.
Іs materıaldaryna sáıkes, Nazarbaev zııatkerlik mektebiniń esepshisi tolyq qural-saımandardy sanaý barysynda «NR Rgobook 450 G1» markili 23 noýtbýk pen «Sanon EOS 70 D» jáne «Sanon EOS 1200 D»2 fotoapparatynyń sanyna jetpeı qalǵan.
Beınejazbalardy tekserý barysynda tehnıkalyq qyzmet kórsetetin jeke kompanııanyń ınjeneriniń kúrtesiniń ishine noýtbýk jasyryp shyǵyp bara jatqany anyq kóringen.
Osylaısha ol 2017 jyly tamyz ben qazan aralyǵynda 23 noýtbýk pen 2 fotoapparatty qoldy etken. Urlanǵan zattardy ol lombardtarǵa ótkizip, qoldan qolǵa satyp otyrǵan.
№2 Medeý aýdandyq sotynyń sýdıasy Farrýh Omarov sottalýshyny QR QK 188-baby boıynsha aıypty dep taýyp, 3 jylǵa bas bostandyǵynan aıyrý týraly úkim shyǵardy. Sonymen qatar, sottalýshy Nazarbaev zııatkerlik mektebine 1 574 333 teńge mólsherinde aıyppul salyndy.
Foto: kleinezeitung.at
