Investorlyq jáne Neo Nomad vızalaryna suranys artty ma

ASTANA. KAZINFORM — Elde ınvestorlyq vızaǵa suranys artty ma? Bul suraqqa QR Syrtqy ister mınıstrliginiń baspasóz qyzmeti jaýap berdi.

- Investıtsııalyq tartymdylyqty arttyrý maqsatynda ınvestorlyq vızany alý qaǵıdalary engizilgennen keıin, atalǵan vızaǵa suranys artty. Atap aıtqanda, 2024 jyly ınvestıtsııalyq qyzmetti júzege asyratyn beırezıdent tulǵalarǵa ınvestorlyq vıza berý úshin 63 ótinishhat joldansa, 2025 jyly bul kórsetkish 72 ótinishhatqa deıin ósti. Nátıjesinde, kórsetiletin memlekettik qyzmet kóleminiń shamamen 14,3 paıyzǵa ósýi baıqaldy, - delingen mınıstrliktiń Kazinform agenttigine bergen jaýabynda.

Budan bólek, Qazaqstan 2024 jylǵy 18 qarashadan bastap Neo Nomad vızasyn iske qosty. 2025 jyly osy vıza aıasynda Eýropa elderinen, AQSh, Koreıa Respýblıkasy jáne Sıngapýr azamattaryna 38 vıza resimdelip, olarǵa Qazaqstan aýmaǵynda bir jylǵa deıin turý múmkindigi berildi.

Eske salsaq, byltyr Syrtqy ister mınıstrliginiń bastamasymen elimizdiń ınvestıtsııalyq tartymdylyǵyn arttyrýǵa jáne uzaq merzimdi iskerlik seriktestikti qoldaýǵa baǵyttalǵan ınvestorlyq vızany alý qaǵıdalary bekitildi. 

Aıta keteıik, Neo Nomad Visa – qashyqtan jumys istep, Qazaqstanda týrıst retinde keletin shetel azamattaryna arnalǵan. Vızany bir jylǵa deıin uzartýǵa bolady.