Investorlarǵa vızasyz rejım jáne jerdi jalǵa berý merzimin ulǵaıtý usynylady – E. Dosaev
ASTANA. QazAqparat - Eń damyǵan elderdiń azamattaryna turý merzimi 90 kúnge deıin vızasyz rejımdi birjaqty tártipte ornatý usynyldy. Bul týraly búgin Elbasynyń ınvestorlarǵa arnalǵan jańa yntalandyrýlar toptamasyn engizý boıynsha tapsyrmasyn oryndaý maqsatynda usynylyp otyrǵan sharalardy jarııalaý kezinde QR Ekonomıka jáne bıýdjettik josparlaý mınıstri Erbolat Dosaev málim etti.
«Investorlarǵa sheteldik jumys kúshin tartýǵa kvotadan tys jáne ruqsattamalarsyz, ınvestıtsııalyq jobany iske asyrýdyń búkil kezeńine jáne nysandy iske qosqannan soń bir jylǵa sheteldik jumys kúshin tartý quqyǵyn berý usynylýda», -dedi mınıstr.
Sonymen qatar E. Dosaev oǵan qosa, ınvestıtsııalyq ahýaldy jetildirý úshin qosymsha sharalar usynylyp otyrǵandyǵyn atap ótti. Atap aıtqanda, eń damyǵan elderdiń azamattaryna turý merzimi 90 kúnge deıin vızasyz rejımdi birjaqty tártipte ornatý, sheteldik kompanııalardyń qurylymdyq bólimsheleri basshylaryna ınvestorlyq vızalardy usyný, sheteldikterge taýarly aýyl sharýashylyq óndiristi júrgizý úshin ınvestıtsııalardy salǵanda aýyl sharýashylyǵy maqsatyndaǵy jerlerdi jalǵa berý merzimderin ulǵaıtý qarastyrylýda. Munymen qosa, «Investıtsııalyq ombýdsmen» qaǵıdaty boıynsha ınvestorlardyń quqyqtaryn qorǵaý ınstıtýtyn engizý máselesin qarastyrý usynyldy.
