Investorlarǵa qoldaý kórsetetin ınvestıtsııalyq shtab qurý qajet – Muhtar Tileýberdi
«Qazaqstan Respýblıkasynyń Prezıdenti Qasym-Jomart Toqaev Úkimettiń keńeıtilgen otyrysynda ınvestıtsııalardy basqarýdyń kóp deńgeıli júıesin reformalaý jáne ońtaılandyrý boıynsha naqty usynystar ázirleýge tapsyrma berdi. Jahandyq básekelestiktiń ósýi jaǵdaıynda ınvestıtsııalardy tartý boıynsha jumysty sapaly jańa deńgeıge shyǵarý maqsatynda, biz áleýetti ınvestorlarmen jumys isteýdiń jańa tásilderin engizýdi jáne ınvestıtsııalyq jobalardy súıemeldeý boıynsha jumysty kúsheıtýdi usynamyz», - dedi ol.
Onyń aıtýynsha, el Premer-Mınıstriniń basshylyǵymen ınvestıtsııalyq jobalardy jedel túrde qarap, ınvestorlarǵa jan-jaqty qoldaý kórsetetin ınvestıtsııalyq shtab qurý qajet.
«Atalǵan shtabtyń jumysyn kelesideı qurý usynylady, memlekettik organdar men jeke bıznes ınvestıtsııalarǵa Tapsyrys qalyptastyrady. Ol «KAZAKH INVEST» UK» AQ-da jınaqtalatyn bolady. Budan ári «Astana» Halyqaralyq qarjy ortalyǵynyń quzyreti «Business Connect» bazasynda ınvestıtsııalyq usynystardy verıfıkatsııalaý bóliginde paıdalanylatyn bolady. Verıfıkatsııadan ótken jobalardyń ishinen arnaıy pýl qalyptastyrylatyn bolady, ol jobany iske asyrýdyń barlyq jolynda «Task Force» jekeshe bólimshesimen súıemeldenetin bolady. Bul bólimshe – ınvestıtsııalyq shtab janyndaǵy jobalyq sarapshylardan/kelissóz júrgizýshilerdiń arnaıy qurylǵan komandasy. Ol jumysty uıymdastyrýǵa jáne ınvestıtsııalyq shtabtyń kún tártibin qalyptastyrýǵa jaýap beredi. Qajet bolǵan jaǵdaıda atalǵan komandanyń jumysyna memlekettik organdardyń, qarjy ınstıtýttary men kvazımemlekettik sektordyń qyzmetkerleri tartylatyn bolady, - dedi Muhtar Tileýberdi.
Mınıstrdiń atap ótýinshe, ınvestorlarmen pysyqtalatyn aıqyn jobalar ınvestıtsııalyq shtabtyń qaraýyna shyǵarylatyn bolady. Shtabtyń mindeti – ınvestor úshin erekshe jaǵdaılardy qamtamasyz etý boıynsha naqty sheshim qabyldaý. Investorlar úshin erekshe sharttar aǵymdaǵy jylǵy
16 qańtarda kúshine engen «Ekonomıkalyq ósýdi qalpyna keltirý týraly» Zań aıasynda strategııalyq ınvestıtsııalyq kelisimde kózdeledi.
«Osy jyldyń qańtar aıynda QR Úkimeti men amerıkandyq «VALMONT» kompanııasy arasynda osyndaı alǵashqy kelisimge qol qoıylǵany jóninde atap ótken jón. Sonymen, ınvestıtsııalyq shtab músheleri alqaly túrde qaraǵannan keıin ınvestıtsııalyq kelisimge qol qoıýy, jobany maquldaý bolyp sanalady. Bul algorıtm qajet bolǵan jaǵdaıda odan ári jetildiriletin bolady. Joba boıynsha problemalyq máseleler týyndaǵan kezde ınvestorlardyń suraý salýlary prokýratýra, sottar, Memleket basshysyna tikeleı baǵynysty agenttikteri men basqa da memlekettik organdar ókilderiniń qatysýymen, onyń ishinde «Astana» Halyqaralyq qarjy ortalyǵy sotynyń ıýrısdıktsııasyn basymdyqpen paıdalana otyryp, Investıtsııalyq ombýdsmen alańynda qaralady. Osylaısha, ınvestıtsııalyq jobalardy ótpeli súıemeldeý men jınaqtalýy qamtamasyz etiledi, bul jaýapty organdar fýnktsııalarynyń qaıtalanýyn boldyrmaýǵa múmkindik beredi», - dedi ol.
