Investorlarǵa qatysty 1 100 zańsyz sheshimniń joly kesildi
ASTANA. KAZINFORM – Bıyl 17 jeltoqsanda Memleket basshysynyń jarlyǵymen Investorlardyń quqyqtaryn qorǵaý komıteti quryldy. Investorlardyń quqyqtaryn qorǵaý deńgeıin arttyrý maqsatynda ınvestıtsııalyq ombýdsmen fýnktsııalary Bas prokýrorǵa júkteldi. Óńirlerde ınvestıtsııalyq prokýrorlar jumysyn bastaıdy.
Bas prokýratýrada Investıtsııalar komıteti men «Kazakh Invest» ulttyq kompanııasynyń ókilderi qatysqan jumys keńesi ótti. Keńeste ınvestorlardyń quqyqtaryn qorǵaýdy kúsheıtý jáne ınvestıtsııalyq jobalardy súıemeldeý tıimdiligin arttyrý máseleleri qaraldy.
Bıyl 17 jeltoqsanda Memleket basshysynyń jarlyǵymen Investorlardyń quqyqtaryn qorǵaý komıteti quryldy. Investorlardyń quqyqtaryn qorǵaý deńgeıin arttyrý maqsatynda ınvestıtsııalyq ombýdsmen fýnktsııalary Bas prokýrorǵa júkteldi. Óńirlerde ınvestıtsııalyq prokýrorlar jumysyn bastaıdy.
Jańa komıtettiń negizgi mindetterine mynalar jatady: ınvestıtsııalar jáne ınvestıtsııalyq qyzmet salasyndaǵy joǵary qadaǵalaýdy júzege asyrý; ınvestorlardyń quqyqtaryn qorǵaý, olardyń buzylýynyń aldyn alý jáne jolyn kesý; quqyq buzýshylyqtarǵa yqpal etetin sebepter men jaǵdaılardy anyqtaý jáne joıý, sondaı-aq olardyń saldaryn joıý; osy salada basshylyq pen salaaralyq úılestirýdi qamtamasyz etý; ınvestorlardyń qatysýymen daýlardy sotqa deıin retteý; oryndaýǵa mindetti nusqamalar men tapsyrmalar shyǵarý; ınvestorlardyń quqyqtaryn qorǵaý salasynda halyqaralyq-quqyqtyq yntymaqtastyqty úılestirý jáne júzege asyrý jáne basqa da mindetter.
— Qadaǵalaý sharalary nysanaly ári aldyn alý sıpatynda bolýy tıis. Bizdiń mindetimiz — quqyq buzýshylyqty bolǵannan keıin jazalaý emes, zańsyz sheshimderdiń aldyn alyp, ádilettilikti ýaqtyly qalpyna keltirý, — dep atap ótti Bas prokýror Berik Asylov.
Bas prokýratýra Memleket basshysynyń tapsyrmalary aıasynda ınvestorlardyń quqyqtaryn qorǵaýdy kúsheıtý jáne qolaıly ınvestıtsııalyq ahýal qalyptastyrý boıynsha keshendi sharalardy iske asyryp jatqany atap ótildi.
— «Prokýrorlyq súzgi» tetigi engizildi, ol ınvestorlardyń quqyqtaryn qozǵaıtyn memlekettik organdardyń sheshimderin prokýrormen mindetti túrde kelisýdi kózdeıdi. Atalǵan tetik engizilgen sátten bastap prokýrorlarmen 1 100 sheshim kelisilmeı qaıtarylyp, 400 tekserý, 480 ákimshilik is júrgizý jáne 210 ózge de shekteý sharalarynyń joly kesildi.
Nátıjesinde azamattyq daýlardyń sany 32%-ǵa, al ınvestorlardyń sottarǵa júginýi 33%-ǵa qysqardy.
Syrtqy ister mınıstrligimen birlesip iri halyqaralyq jáne joǵary tehnologııalyq ınvestorlardy qoldaýǵa baǵyttalǵan «Jasyl dáliz» tetigi iske asyrylýda. Bul tetikke 137 ınvestıtsııalyq joba engizilip, olar boıynsha 16 memlekettik qyzmet kórsetý merzimi 5 jumys kúnine deıin qysqartyldy. Atalǵan mehanızmdi odan ári keńeıtý jumystary jalǵasyp jatyr.
Qazirgi ýaqytta prokýrorlar jalpy quny 76 trln teńge bolatyn 1 790 ınvestıtsııalyq jobany súıemeldeýde. Jalpy somasy 23 trln teńge bolatyn jobalardy iske asyryp jatqan shamamen 2 myń ınvestorǵa naqty quqyqtyq kómek kórsetildi, — delingen prokýratýra habarlamasynda.
Prokýrorlyq qadaǵalaý sharalary boıynsha kásipkerlerdiń ákimshilik kedergiler men negizsiz sozylyp ketken máselege qatysty 145 problemalyq máselesi sheshildi.
Investorlardyń ótinishterin qaraý kezinde sozylyp ketken másele men kedergi úshin 326 laýazymdy tulǵa jaýapkershilikke tartyldy.
Keńes qorytyndysy boıynsha ınvestıtsııalardy qorǵaý salasynda múddeli memlekettik organdar arasyndaǵy ózara is-qımyldy naqty jolǵa qoıý jáne jaýapkershilik aımaqtaryn aıqyn bólý qajettigine erekshe nazar aýdaryldy.
Aıta ketelik