Investorlardy tarta otyryp «Astana - jańa qala» AEA jobalaryn júzege asyrý 64 mlrd. teńge jergilikti bıýdjetti únemdeýge múmkindik beredi
ASTANA. 8 qarasha. QazAqparat - Búginde Astana eldiń barlyq qalalary soǵan qarap damyp, boı túzeıtin etalonǵa aınaldy. Naq osynda «aqyldy qala» elementteri alǵash engizile bastady, Qazaqstannyń jańa ónerkásibin damytý osy jerden bastaldy.
Elorda barlyq ınvestorlardyń birlese otyryp, bolashaqtyń qalasyn salýǵa búkil múmkindikti usynyp otyr. Jeke bıznes úshin zańdyq turǵyda engizilgen jalpyrespýblıkalyq preferentsııalardan basqa, Astana tıimdi ınvestıtsııalar tartý mindetterin qamtamasyz etýge qolaıly jaǵdaılar usynýda.
Atap aıtqanda, Qazaqstan Prezıdenti Nursultan Nazarbaevtyń tapsyrmasymen «Astana - jańa qala» arnaıy ekonomıkalyq aımaǵy quryldy.
Qala ákimshiligi ázirge dástúrli emes baǵyt - memlekettik-jeke áriptestikke zor kóńil bólip otyr. Búginde bıýtjetten tys kózderden qarjylandyrylatyn elordanyń kommýnaldyq jaǵdaılaryn jaqsartýǵa baǵyttalǵan birneshe joba pysyqtalýda. Olardyń arasynda - eki jańa avtovokzal qurylysy jobasy bar, ol jumys istep turǵan avtovokzaldyń júktemesin bólisetin bolady, qajetti baǵyttarǵa qaraı qaladan shyǵýdyń ynǵaılylyǵyn qamtamasyz etedi, sóıtip, qala joldarynyń júktemesin azaıtady dep kútilýde. Sondaı-aq qala kóshelerindegi joldardaǵy júktemeni azaıtýda arnaıy bólingen jolaqpen júretin júrdek avtobýs qatynastary jobasyn jasaýdyń mańyzy úlken, bul sonymen birge dittegen jerge jetetin joldaǵy ýaqytty da qysqartýǵa múmkindik beredi. Bul jobany júzege asyrý nátıjesinde jolaýshylar aǵyny kúnine 370 myń adamǵa jetedi. Taǵy bir jańalyq - qoljetimdi qyzmetter men tólemderdi baqylaýdyń avtomatty júıesimen jabdyqtalǵan 10 jańa avtoturaq salý bolmaq. Qala halqynyń únemi ósip otyrǵany, sonymen qatar olardyń tabıǵı ósimi eskerile otyryp, jeti mektepke deıingi mekeme salý josparlanyp otyr. Bul salada básekelestikti jáne qyzmet sapasyn arttyrýda jobalarǵa jeke sektordy qatystyrýdy ulǵaıtý da óz septgin tıgibek. Sondaı-aq Jeleznodorojnyı kentinde dárigerlik ambýlatorııa salý ıdeıasy da ózekti.
Investorlardy tarta otyryp, memlekettik-jeke áriptestik shemasy boıynsha bul jobalardy júzege asyrý 64 mlrd. teńgege tarta jergilikti bıýdjet qarajatyn únemdeýge múmkindik bermek.
Qazirgi kezde memlekettik-jeke áriptestik shemasy boıynsha uıymdastyrylǵan jobalardy júzege asyrý jóninde ınvestorlardy habardar etý boıynsha belsendi jumystar júrgiziýde. Osy baǵyttardyń biri óz kontsessıonerin tapty da. Frantsýzdyń Vinci kompanııasy qalanyń sol jaǵalaýynda úsh avtoturaq salýǵa múddeliligin bildirdi.
Qazaqstanda qurylǵan bıznesti júrgizý úshin qolaıly jaǵdaılar jyl sanap ınvestorlardy kóptep tarta beretini kámil. Shıkizattyq emes salalardaǵy jańa bastamalardyń kópshiligi naq osy Astanadan bastaý alýynyń máni zor.
