Investorlardyń quqyǵyn qorǵaý arhıtektýrasy kúsheıtildi — Qanat Bozymbaev

ASTANA. KAZINFORM — Búginde Úkimet janynan qurylǵan ınvestıtsııalyq shtab jumys istep tur.

— Investıtsııalyq shtab dál qazir qaǵıdaty boıynsha áreket etetin, bıýrokratııalyq kedergilerdi naqty ýaqyt rejıminde joıatyn jedel ortalyq. Sonymen qatar ınvestıtsııa úshin salalyq jáne aýmaqtyq alańdardy jetildirip jatyrmyz. Arnaıy ekonomıkalyq jáne ındýstrııalyq aımaqtardyń rejımin jańǵyrtyp, sapaly óndiristik jobalardyń boljamdy salyqtyq jáne kedendik yntalandyrýlarǵa, sondaı-aq daıyn ınfraqurylymy bar alańdarǵa qol jetkizýin qamtamasyz etýdemiz, — dedi Úkimet basshysynyń orynbasary Qanat Bozymbaev elordada ótip jatqan Astana Finance Day — 2025 halyqaralyq forýmynda. 

Vıtse-premerdiń málimdeýinshe, ınvestıtsııa tartý isinde Astana halyqaralyq qarjy ortalyǵynyń mańyzy zor.

— Investorlardyń quqyǵyn qorǵaý arhıtektýrasy kúsheıtildi. 60 mln AQSh dollarynan asatyn jobalarǵa zańnamanyń 25 jyl boıy turaqtylyǵyn qamtamasyz etetin ınvestıtsııa týraly kelisim quraly qoldanylady. Ótken jyly 6 kelisim, al bıyl taǵy 22 kelisim jasaldy. Astana halyqaralyq qarjy ortalyǵy tek aǵylshyn jalpy quqyǵy negizindegi quqyqtyq rejımdi ǵana emes, sonymen qatar halyqaralyq arbıtrajdyq ortalyǵy bar sotty da usynady, — deıdi ol.

Buǵan deıin Qanat Bozymbaev 2029 jylǵa deıin jańartylatyn energııa kózi iri obektisi aıaqtalatynyn aıtty.

Aıta keteıik, elordada Astana Finance Day–2025 ótip jatyr.