Investorlardyń quqyǵyn buzǵany úshin 100 sheneýnik jazalandy
ASTANA. KAZINFORM – Investorlardyń quqyqtaryn buzǵany úshin ártúrli deńgeıdegi 100 sheneýnik jazalandy. Bul týraly Bas prokýratýradan málim etti.
«Búginge birde-bir memlekettik organ prokýrordyń kelisiminsiz ınvestordy tekserýge, ony ákimshilik jaýapkershilikke tartýǵa, onyń qyzmetin toqtata turýǵa, lıtsenzııalardy qaıtaryp alýǵa jáne basqa da shekteýler qoıýǵa quqyly emes. Qadaǵalaýdyń mundaı quraly ınvestordy sheneýnikterdiń negizsiz jáne orynsyz aralasýynan qorǵaýǵa baǵyttalǵan», - dep atap ótedi Bas prokýratýradan agenttiktiń resmı saýalyna oraı.
Vedomstvo málimetinshe, «Prokýrorlyq súzgi» ınvestormen kelisimshartty buzýǵa qatysty jaǵdaılardy da qamtıdy. Bul eleýli negizdersiz shartty óz betinshe buzý múmkindigin boldyrmaıtyn prokýrordyń kelisimin talap etedi.
«Jalpy prokýrorlar 500-den astam sheshimdi bekitýden bas tartyp, ınvestorlarǵa qatysty 213 zańsyz tekserý men 212 ákimshilik óndiristiń jolyn kesti. Investorlardyń quqyǵyn buzǵany úshin ártúrli deńgeıdegi 100 sheneýnik jazalandy», - dedi qadaǵalaýshy organ.
