Investorlar úshin jerdi alý jumysy jeńildeı túsedi
Onyń aıtýynsha, atalǵan qujattyń basty jańalyǵy, ınvestorlar burynǵydaı jerdi alý úshin kóp júgirmeıdi. Memlekettik organdardyń tabaldyryǵyn da tozdyrmaıdy.
«Qazirgi júıege sáıkes, arnaıy ekonomıkalyq aımaqtarda jerdi berý sharalary 6-9 aıǵa sozylady. Investor birden ákimdikke jiberedi. Sol jerde komıssııa otyrystary, qujattarǵa vıza jınaý, kelisý jáne taǵy basqa mashaqattar kóp. Biz endi bylaı jumys jasaımyz, jer basqarýshy kompanııaǵa beriledi. Kompanııa óz kezeginde arnaıy ekonomıkalyq aımaqtyń qyzmetine qaraı jerdi sala-sala boıynsha bóledi de, ony ınvestorlarǵa usynady. Osynyń arqasynda jobany uzaqqa sozbaı, birden iske asyrýǵa bolady. Áıtpese, qazir barlyq qujattardy alyp, jerdi tolyǵymen daıyndaýǵa 1,5-2 jyldaı ýaqyt ketedi. Ol ýaqyttyń ishinde naryqta shıkizattyń baǵasy ózgerip, jobanyń tıimdiligi tómendeıdi», - deıdi E.Qaıyrov.
Budan bólek, arnaıy ekonomıkalyq jáne ındýstrııaldyq aımaqtardyń basqarýshy kompanııalaryn barynsha kúsheıtip, múlik salyǵynan bosatý josparlanyp otyr. Aımaqtardyń qyzmetine qatysty basym baǵyttardy anyqtaý sharalary da jeńildeı túsedi. Endi, ol baǵyttardyń tizimi QR Investıtsııalar jáne damý mınıstriniń buıryǵymen bekitiledi. Salyq jaǵynan birqatar jeńildikter de jasalady. «Bizdiń josparymyzǵa sáıkes, 2018 jyldan bastap arnaıy ekonomıkalyq jáne ındýstrıaldyq aımaqtarda, kem degende, 100 mlrd teńgeniń jobalary qolǵa alynady. Al 2020 jyldyń aıaǵyna deıin ondaı jerlerde 20 myń jumys orny qurylýy qajet», - dep atap kórsetti E.Qaıyrov.
Resmı málimetke sáıkes, búginde Qazaqstanda 11 arnaıy ekonomıkalyq jáne 22 ındýstrıaldyq aımaq bar. Barlyǵynda 271 ınvestıtsııalyq joba qolǵa alyndy.
Aıta keteıik, zań jobasyn tanystyrý barysynda depýtat Baqtııar Máken «Alataý» parkiniń máselesin taǵy kóterdi. «Áli esimde, ádemi stendterdi kórsetip, biraz jetistikterge jettik dep maqtanady. Mine, ınnovatsııalar deıdi. Teledıdardan da kórsetip jatady. Artynan eshqandaı jaýapkershilik bolmaıdy», - dep atap kórsetti B.Máken .
