Investorlar tizilimine jalpy quny 7 trln teńge bolatyn 250 joba engizildi - Bas prokýratýra

ASTANA. KAZINFORM – Prokýratýra organdary júzege asyrylyp jatqan jobalar týraly aqparattyń shynaıy kórsetilmeýine baılanysty birqatar zańbuzýshylyqtar anyqtady.

Birqatar óńirde (jalpyulttyq pýlǵa 150 myń aılyq eseptik kórsetkishten asatyn jobalar engiziledi, qalǵandary óńirlik pýldarǵa kiredi) jalpyulttyq jáne óńirlik pýldarda ózektiligin joǵaltqan ınvestıtsııalyq jobalar tirkelgen.

- Abaı jáne Aqmola oblystarynda bekitilgen óńirlik ınvestıtsııalyq jobalardyń pýldary múlde bolmaǵan. Bas prokýratýranyń usynysy boıynsha bul kemshilikter joıyldy.

Investorlar tizilimine 7 trln teńgege 250 ınvestıtsııalyq joba engizildi, óńirlik pýlǵa qosymsha 290 joba engizildi, - delingen baqylaýshy organnyń aqparatynda.

Sonymen qatar 136 ózektiligin joǵaltqan joba tizilimnen alynyp tastaldy.

Jol berilgen zańbuzýshylyqtar úshin memlekettik organdardyń 6 laýazymdy tulǵasy tártiptik jaýapkershilikke tartylǵan.

Aıta keteıik, Abaı oblysynda 200 mln teńgege zańsyz memlekettik kelisimshart jasalǵan.