Investorlar Túrkistan men Qyzylorda áýejaılaryna qyzyǵýshylyq tanytyp otyr

ASTANA. KAZINFORM – «VietJet Air» vetnamdyq áýekompanııasy Túrkistan men Qyzylorda áýejaılaryna qyzyǵýshylyq tanytyp otyr. Bul týraly Azamattyq avıatsııa komıtetiniń baspasóz qyzmeti málim etti. 

Astana qalasynda Memleket basshysynyń sheteldik ınvestıtsııalardy tartý jónindegi tapsyrmalary aıasynda Túrkistan jáne Qyzylorda oblystarynyń ákimdikteri Túrkistan jáne Qyzylorda áýejaılaryn birlesip damytý boıynsha «VietJet Air» vetnamdyq áýekompanııasy qarasty SOVICO Group kompanııasymen memorandýmdarǵa qol qoıdy.