Investorlar men bıznesti qorǵaý jobalyq ofısi ekonomıkalyq dıplomatııaǵa yqpal etedi
Qurylym Agenttik, Investıtsııalar jáne damý mınıstrligi jáne QR SІM arasyndaǵy úsh jaqty memorandýmǵa sáıkes ınvestıtsııalyq tartymdylyqty arttyrý jáne jemqorlyqpen kezdesken jaǵdaılarda ınvestorlarǵa járdem kórsetý maqsatynda quryldy.
Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev pen Investıtsııalar jáne damý mınıstri Jeńis Qasymbek sheteldik ınvestorlardy qorǵaý, Jobalyq ofıstiń qyzmeti, ınvestıtsııalyq ahýaldy jaqsartý boıynsha birqatar mańyzdy máselelerdi jarııa etti.
Syrtqy ister mınıstri Qaırat Ábdirahmanov óz sózinde Prezıdent Nursultan Nazarbaev syrtqy saıasatty «ekonomızatsııalaý» jónindegi birqatar mindetter qoıǵanyn atap ótti. «Ekonomıkalyq dıplomatııany» ilgeriletý - Qazaqstan ekonomıkasyna sheteldik ınvestıtsııalar men tehnologııalardy tartýǵa únemi turaqty túrde járdemdesý boıynsha vedomstvonyń qyzmetindegi basymdyqtardyń biri».
Táýelsizdik jyldary qazaqstandyq elshilikter bastamasymen ónerkásip, qurylys, mashına jasaý, kólik, energetıka jáne basqa salalarda birqatar iri jobalar iske qosylǵan.
SІM sheteldik ınvestorlarmen tıimdi ekonomıkalyq yntymaqtastyqqa yqpal etetin qolaıly ınvestıtsııalyq ahýaldy nasıhattaý boıynsha belsendi jumys atqarady. Syrtqy saıası vedomstvonyń basshysy jobalyq ofıs pen Investorlarǵa qyzmet kórsetý ortalyǵynyń qyzmetin quptap, olardyń is-áreketterine jan-jaqty qoldaý kórsetýge SІM-niń daıyn ekenin atap ótti.
Jobalyq ofıstiń jumysy shet elderde «birinshi baılanystyq tulǵa» jáne sheteldik bıznes qoǵamdastyǵymen «baılanystyrýshy» retindegi mańyzdy ról atqaratyn qazaqstandyq dıplomattar úshin kómek beredi.
