Investorlar geologııalyq aqparat alýda qandaı qıyndyqqa tap bolady

ASTANA. KAZINFORM – Geologııalyq aqparatty berýde ákimdikterge ókilettik berý kerek. Bul týraly Senatta ınvestorlardyń zańdy múddelerin qorǵaý taqyrybyna arnalǵan jıynda QR Syrtqy ister mınıstrliginiń Investıtsııa komıtetiniń tóraǵasy Ǵabıdýlla Ospanqulov málim etti.

- Taǵy bir másele – geologııalyq aqparatty alýdy tolyq qamtamasyz etý. Ókinishke qaraı, bizdiń ákimderdiń bul aqparatty alyp, ony ınvestorlarǵa usynýǵa quzyreti jetpeıdi. Barlyǵy derekter ortalyqta shoǵyrlanǵan. Jaýapty mınıstrlik únemi aqparattyń ashyq ekenin aıtyp júr, al shyn máninde bizge kóptegen ınvestorlar kelip, ony ala almaı jatyrmyz dep shaǵymdanyp otyr. Biz ártúrli álemde ómir súrip jatqan sııaqtymyz. Olar resmı túrde aqparat bere alatynyn aıtady, al ınvestorlar ony qaıdan, kimnen alýǵa bolatynyn suraıdy, - dedi Ǵ.Ospanqulov.

Bul turǵyda ákimdikterdiń ókilettigin keńeıtýdi usyndy.

- Bul rette ákimderge osy ókilettikti bergen jón bolar. ıAǵnı aqparatty ashyq kórsetip, kelgen ınvestorlarǵa geologııalyq jerler týraly málimetti bergenin qarastyrý kerek shyǵar. Atalǵan kemshilikter saldarynan ınvestor tartýda kedergiler baıqalyp otyr, - dedi Investıtsııa komıtetiniń tóraǵasy depýtattarǵa qarata aıtqan sózinde.

Budan buryn habarlanǵandaı, ınvestorlar kóbine qaı máseleler boıynsha shaǵymdanyp otyrǵany málim boldy.