Investorlar bilim berý deńgeıine erekshe nazar aýdarady-mınıstr

NUR-SULTAN. QazAqparat - 2025 jyly Qazaqstannyń JOO-lary QS reıtınginde top-150-ge enýi qajet. Bul týraly búgin Úkimet otyrysynda «DoingBusiness» reıtınginde jáne basqa da reıtıngterde Qazaqstannyń pozıtsııalaryn jaqsartý jóninde baıandaǵan QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Investorlar bilim berý deńgeıine erekshe nazar aýdarady. Bul - orta jáne joǵary bilim daıyndyǵynyń deńgeıi. Ekonomıkalyq yntymaqtastyq jáne damý uıymy elderiniń arasynda negizgi ındıkator «PISA» - bilim alýshylardy baǵalaý halyqaralyq baǵdarlamasy. Atalǵan reıtıng mektepte bilim berý sapasyn úsh pán boıynsha ólsheıdi: matematıka, jaratylystaný, oqý. Reıtıng árbir 3 jylda qalyptastyrylady. 2018 jyldyń qorytyndysy boıynsha reıtıng aǵymdaǵy jylǵy jeltoqsan aıynda jarııalanatyn bolady. 2012 jyly Qazaqstan 53-shi oryndy ıelendi. 2025 jylǵa qaraı elimiz reıtıngtiń top-40 qataryna enýi qajet. Bul Lıýksembýrg, Horvatııa, Izraıl sııaqty elderdiń deńgeıi«, - dedi Rýslan Dálenov.

Onyń aıtýynsha, joǵary bilim berý sapasy ýnıversıtetterdiń halyqaralyq reıtıngterimen baǵalanady. Bul QS-atty joǵary oqý oryndarynyń álemdik reıtıngi. Ol - álemniń 1000 úzdik joǵary oqý oryndarynyń reıtıngi.

»Bul reıtıngke Qazaqstannyń tek 10 joǵary oqý orny kiredi. Ál-Farabı atyndaǵy Qazaq ulttyq ýnıversıteti bar bolǵany 207-orynda. 2025 jylǵa qaraı Qazaqstannyń joǵary oqý oryndary top-150-ge enýi qajet«, -dedi mınıstr.