Investorǵa para bere salǵan jeńil - partııalyq baqylaý nátıjesi
«Men sizderge qyzyqty bir oqıǵany aıtyp bereıin. Ol oqıǵa dál qazir órbip jatyr. Qazaqstanǵa birınvestor keldi. Úlken bir óndiristi ashatyn oıy bar. Bir aýdanda jer alypty. Onyń jobasy Indýstrııaldy-ınnovatsııalyq damý baǵdarlamasyna da kirdi. Endi, ınvestor san alýan ruqsat qaǵazdaryn jınap júrgende ana jaq onyń jerin basqa fırmaǵa berip jiberdi. Ákimdik bárin bilgen. Sonda aıdaladaǵy jerdi turǵyn úı qurylysyna bere salypty. Eshqandaı ınfraqurylymy joq, bas jospardy da eskerip jatqan adam tabylmady. Jańaǵy ınvestor ań-tań. Qońyraý shalyp, máseleniń mánisin surasa, «Jaraıdy, biz ol jerdi qaıtip rásimdep beremiz, biraq 100 myń dollar berińiz» degen jaýap alypty», - dedi Baımyrzaev búgin Memlekettik qyzmet isteri jáne sybaılasy jemqorlyqqa qarsy is-qımyl agenttiginde ótken selektorlyq jıynda.
Osy sózden keıina genttik tóraǵasynyń orynbasary Alık Shpekbaev atalǵan oqıǵanyń qaı jerde bolǵanyn surady. Baımyrzaev bolsa, «bir oblysta» degen sózben shektelip, aldaǵy ýaqytta barlyq qujattardy jınap alǵannan keıin agenttikke óz qolymen tapsyratynyn jetkizdi.
«Sonda qarańyz, ınvestorqujat jınaý jáne taǵy basqa sharalarǵa ketken ýaqytyn qımaı, sol fırmaǵa para berip qutyla salady. Oǵan solaı isteı salǵan jeńil. Ondaı jaǵdaı bir oblysta emes, barlyq aımaqtarda bolatyn sııaqty. Investorlarǵa artyq mashaqat qajet emes. Para bere salǵan jeńil», - dep atap kórsetti «Nur Otan» partııasynyń ókili.
Aıta keteıik, búginde sáýlet jáne qala qurylysy salasyndaǵy kásipkerlerdiń aryz-shaǵymdary jyl saıyn kóbeıip keledi.
Búginde kásipkerler jer jáne qala qurylysy kadastarlaryn biriktirýdi usynyp otyr. Sonyń arqasynda qujat rásimdeýge ketetin biraz shyǵyndardyazaıtýǵa bolady.
Sondaı-aq bıznesmender Qala qurylysy kodeksin ázirleý kerek dep sanaıdy.
