Investordy zańsyz teksergen memlekettik organ jaýapqa tartylýy múmkin
ASTANA. KAZINFORM — Jambyl oblysynyń prokýratýrasy ınvestordy zańsyz tekserýden jáne 1,5 mln teńge kólemindegi aıyppuldan qorǵady.
Jambyl oblysynyń prokýratýrasy Investorlardyń quqyqtaryn qorǵaý komıtetimen birlesip, ınvestorlar tizilimine engizilgen ınvestordyń qyzmetine júrgizilgen tekserý barysynda zań buzýshylyqtardy anyqtady.
Ýákiletti organnyń prokýratýramen kelispeı, «KorCem» JShS-niń kóshi-qon zańnamasynyń saqtalýy mánine qatysty qyzmetine tekserý júrgizgeni anyqtaldy.
Aıta ketý kerek, «prokýrorlyq súzgi» sheńberinde memlekettik organdar men kvazımemlekettik sektor sýbektileri ınvestorlarǵa qatysty shekteý sharalaryn qoldanýǵa baılanysty barlyq sheshimderdi, onyń ishinde tekserýler taǵaıyndaý, ákimshilik is júrgizýdi qozǵaý jáne sotqa talap qoıý máselelerin prokýratýramen kelisýge mindetti.
— Tekserý nátıjeleri boıynsha ınvestor shetel azamatyn eńbek qyzmetine zańsyz tartqany úshin polıtsııa qyzmetkerlerimen ákimshilik jaýapqa tartylyp, oǵan 1,5 mln teńge mólsherinde aıyppul salynǵan, — delingen habarlamada.
Prokýrorlyq qadaǵalaý aktisi boıynsha atalǵan tekserý zańsyz dep tanylyp, ákimshilik is júrgizý toqtatyldy.
Qazirgi ýaqytta kináli laýazymdy tulǵalardy zańda belgilengen jaýaptylyqqa tartý máselesi qarastyrylyp jatyr.
Aıta ketelik Tarazda ınvestorlarǵa zańsyz tosqaýyl qoıǵan sheneýnikter jaýapqa tartylǵan edi.
