Investor Soltústik Qazaqstanda maıly daqyldardy óńdeıtin úlken zaýyt salmaq

SQO ákimi baspasóz qyzmetiniń habarlaýynsha, Qumar Aqsaqalov «Maslodel» JShS seriktestiginiń bas dırektory Pavel Selıvanovpen kezdesti. Kezdesýde kásiporynnyń óńirdegi damý bolashaǵy talqylandy.

"Maslodel" kompanııasynyń búginde Qazaqstan boıynsha birneshe zaýyty bar. Sonyń biri - sút zaýyty Petropavl qalasynda, maı zaýyty Ǵ.Músirepov aýdanynyń ortalyǵy - Novoıshımkada ornalasqan.

Memlekettiń qoldaýynyń arqasynda kompanııa óndiristi jetildirip, jańalap jatyr. Eki jyl buryn sút zaýytynda Tetra Pak shved qondyrǵysy ornatyldy. Bıyl sút ónimderin shyǵaratyn jańa jelini ise qospaqshy. Nátıjesinde jylyna 36 myń tonna daıyn ónim shyǵady. Osy maqsatqa 3 mlrd teńge quıǵan kásipker, qosymsha taǵy 45 jumys orny ashylatyndyǵyn aıtady.

Bıyl «Maslodel» Petropavldaǵy zaýytynda sút ónimderin óńdeıtin jańa jelini iske qospaq. Bul 36 myń tonna daıyn ónim. Jalpy ınvestıtsııa quny 3 mlrd.teńge. Qosymsha 45 jańa jumys orny ashylady.

Pavel Selıvanov oblys áimine maıly daqyldardy óńdeıtin jańa zaýyttyń jobasyn usyndy. Jańa kásiporyn jylyna 500 myń tonnaǵa deıin raps, zyǵyr jáne kúnbaǵysty óńdeıtin bolady. Jobaǵa 9 mlrd teńge ınvestıtsııa quıylmaq. Jańa zaýyt 135 adamdy jumyspen qamtıdy. Bıýdjetke 800 mln jýyq teńge salyq túsedi.

«Óte mańyzdy jobalar. Biz birneshe ret kezdestik. Sizdiń zaýyttyń jańǵyrtylýy sút óndirisiniń ulǵaıýyna ákeldi. Byltyr biz 4 sút-taýar fermasyn ashtyq. Bıyl taǵy 3 sút kesheni iske qosylady. Kelesi jylǵa da osyndaı jospar bar. Qazir bizdiń oblys óndirilgen súttiń 44 paıyzyn óńdeıdi. «Maslodel» zaýytynyń jańa jelisi iske qosylǵanda, 50 paıyz bolady. Jyl saıyn bul kórsetkish ulǵaıyp turýy kerek. Biz óndirýdi bilemiz, biraq óńdeýge kóńil bólmeımiz. Sondyqtan, sút, et, bıdaı jáne maıly daqyldardy qaıta óńdeý baǵytyn jalǵastyramyz. Memleket sizge jobalardy iske asyrýdyń barlyq satylarynda kómektesetin bolady», - dedi Qumar Aqsaqalov.

Kásipkerdiń aıtýynsha, maıly daqyldardy óńdeıtin maı zaýytynyń qurylysy kelesi jyly bastalmaqshy.