Investor shendilerdiń salǵyrttyǵynan 11 mlrd teńge salǵan jobasyn iske qosa almaı kelgen
ASTANA. KAZINFORM - «Rainbow Logistics 2» JShS ınvestıtsııa somasy 11 mlrd teńge jáne 3 000 jumys ornyn quraıtyn «Astana qalasynda azyq-túlik jáne azyq-túlik emes taýarlardyń ámbebap qoımasy» jobasyn iske asyrýda.
Bas prokýratýranyń deregine qaraǵanda, búgingi tańda ınvestıtsııanyń barlyq somasy ıgerilgen. Alaıda, obektini paıdalanýǵa berý kezinde ınvestor ýákiletti organdar tarapynan jyljymaıtyn múlikti tirkeý boıynsha sozbalańǵa salý jaǵdaıyna tap boldy.
«Elordalyq prokýratýranyń ınvestorlardyń quqyqtaryn qorǵaý jumysy sheńberinde problemalyq máseleni sheshý boıynsha sharalar ázirlendi.
«Azamattarǵa arnalǵan úkimet» KEAQ obektiniń tehnıkalyq pasportyn tirkedi, bul ınvestorǵa logıstıkalyq ortalyqty tolyqqandy paıdalanýǵa múmkindik beredi», — dep jazdy baqylaýshy organnan.
