«Investment-18» qarjy pıramıdasyn uıymdastyrýshylardyń sottalý merzimi uzartyldy
«Nur-Sultan qalasy Saryarqa aýdanynyń №2 sotynyń 2022 jylǵy 26 sáýirdegi úkimimen A jáne T qarjy pıramıdasyn qurǵany úshin 4 jyl 8 aıǵa bas bostandyǵynan aıyrý jazasy bekitildi. Sondaı-aq, olar 7 jylǵa deıin qarajat tartý, jınaý qyzmetimen aınalysý quqyǵynan aıyryldy (QK 217-baby 3-bóligi 2-tarmaǵy boıynsha)», - delingen sottyń habarlamasynda.
Resmı aqparatta aıtylǵandaı, A jáne T qarjy pıramıdasyn qurý aıyby boıynsha kináli dep tanyldy. Olar qarjy tartýdy «WhatsApp» chattary arqyly uıymdastyryp, saldarynan 35-ten astam adam jábir shekken. Sonymen qatar, qatysýshylardyń birine iri kólemde materıaldyq zalal keltirilgen.
«Apellıatsııalyq saty sottyń birinshi satyda QK-niń 55-babyn durys qoldanbaýyna baılanysty aıyptylardyń bas bostandyǵynan aıyrý jazasyn 6 jyl 8 aıǵa deıin uzartty. QK-niń 217-baby 3-bóligi 2-tarmaǵynyń sanktsııasy 5 jyldan 10 jylǵa deıin bas bostandyǵynan aıyrý túrindegi jazany kózdeıdi», - deıdi vedomstvodan.
Demek, QK-niń 55-babynyń 2-bóligi erejelerin eskere otyryp, kináli adamnyń jazasy (jeńildetetin mán-jaılar bolǵan jáne aýyrlatatyn mán-jaılar bolmaǵan kezde) sanktsııada kózdelgen jazadan tómen bolmaýy tıis.
Osylaısha, apellıatsııalyq saty úkimdi qaıta retke keltirdi.
Sot aktileri zańdy kúshine endi.
Eske sala ketsek, qarjylyq monıtorıng agenttiginiń málimetinshe, bıyl 28 qarjy pıramıdasyn uıymdastyrýshylarǵa qatysty 33 qylmystyq is tirkeldi.
