Investıtsııalyq jobalardyń baıaýlaýyna baılanysty Qaırat Maqsutov qyzmetinen ketti
ASTANA. KAZINFORM — «Samuryq-Qazyna» AQ Basqarmasynyń sheshimimen Qaırat Berikuly Maqsutov «Samuryq-Energo» AQ basqarma tóraǵasy qyzmetinen bosatyldy. Bul týraly Úkimekttiń baspasóz qyzmeti málim etti.
— Bul sheshim kompanııanyń strategııalyq ınvestıtsııalyq jobalaryn júzege asyrý qarqynynyń baıaý júrýine, sondaı-aq jańa generatsııalaý qýattaryn salý men paıdalanýǵa berý merzimderiniń saqtalýyna baqylaýdyń jetkiliksiz bolýyna baılanysty qabyldandy, — delingen habarlamada.
Aıta keteıik, buǵan deıin Prezıdent «Samuryq-Qazynanyń» 2027-2029 jyldarǵa arnalǵan 21 trln teńgelik josparymen tanysqan bolatyn. 2027-2029 jyldary energetıka, munaı-gaz sektory, kólik jáne tsıfrlyq ınfraqurylym salalary boıynsha 21 trıllıon teńgege 38 jobany iske asyrý kózdelip otyrǵany aıtylǵan edi.
