Investıtsııalyq saıasat jáne ınfraqurylymdyq damý departamentiniń dırektory aýysty
ASTANA. KAZINFORM — Prezıdenttik jastar kadr rezerviniń múshesi Aıqoja Ábsadyqov Qazaqstan Respýblıkasy Oqý-aǵartý mınıstrliginiń departament dırektory bolyp taǵaıyndaldy, dep habarlaıdy Memlekettik qyzmet isteri agenttiginiń baspasóz qyzmeti.
2025 jylǵy Prezıdenttik jastar kadr rezerviniń múshesi Aıqoja Ahmetjanuly Ábsadyqov 2026 jylǵy 2 aqpannan bastap QR Oqý-aǵartý mınıstrliginiń Investıtsııalyq saıasat jáne ınfraqurylymdyq damý departamentiniń dırektory qyzmetine taǵaıyndaldy.
Aıqoja Ábsadyqov 2025 jylǵy Prezıdenttik jastar kadr rezervine «Infraqurylymdy damytý, ónerkásip jáne saýda saıasaty» baǵyty boıynsha qabyldanǵan.
Ol 1993 jylǵy 6 sáýirde Túrkistan qalasynda dúnıege kelgen. Nazarbayev University (ekonomıka bakalavry, memlekettik basqarý magıstri) túlegi. Qazaq, orys, aǵylshyn, túrik tilderin meńgergen.
Eńbek jolyn 2015 jyly Qazaqstan Respýblıkasy Ulttyq kásipkerler palatasy «Atamekende» Ekonomıkalyq ıntegratsııa departamentiniń sarapshysy, Basqarma tóraǵasynyń keńesshisi, Ónerkásip jáne básekege qabilettilik departamentiniń sarapshysy retinde bastaǵan.
2018 jyldan bastap — «Qazaqstan ındýstrııany damytý ınstıtýty» AQ Derekterdi taldaý jáne óńdeý ortalyǵynyń dırektory.
2019 jyldan bastap — Qazaqstan Respýblıkasy Ulttyq kásipkerler palatasy «Atameken» Kásipkerlik máseleleri jónindegi jobalyq ofısiniń aǵa menedjeri.
2022 jyldan bastap — «Samuryq-Qazyna Kontrakt» JShS Satyp alýlardy jınaqtap taldaý jáne kásipkerlikti damytý departamentiniń bas menedjeri.
2023 jyldan bastap — «Qazaqtelekom» AQ fılıaly Korporatıvtik bıznes dıvızıonynyń Ádisnama jáne protsester departamentiniń dırektory, Jobalardy damytý departamentiniń dırektory.
2024 jyldan bastap — «Samuryq-Qazyna Kontrakt» JShS Satyp alýlardy jınaqtap taldaý jáne kásipkerlikti damytý departamentiniń sarapshysy, bas menedjeri.
2026 jylǵy 2 aqpannan bastap — Qazaqstan Respýblıkasy Oqý-aǵartý mınıstrliginiń Investıtsııalyq saıasat jáne ınfraqurylymdyq damý departamentiniń dırektory.
Budan buryn Serik Sápıev Týrızm jáne sport mınıstriniń shtattan tys keńesshisi bolyp taǵaıyndaldy.