Investıtsııalyq klımat nyǵaıady: 25 jyldyq kelisimder men quqyqtyq turaqtylyqqa senim artty

 Jıynda Roman Sklıar búgingi tańda Qazaqstan ekonomıkasy turaqtylyq tanytyp, ári qaraı ósý áleýetin kórsetip otyrǵanyn aıtty.

Ótken jyldyń qorytyndysy boıynsha eldiń ishki jalpy ónimi 6,5%-ǵa ósken, bul álemdik ortasha kórsetkishten aıtarlyqtaı joǵary.

— Tikeleı sheteldik ınvestıtsııalar 14,4%-ǵa ósip, 20,5 mlrd dollarǵa jetti, al negizgi kapıtalǵa salynǵan ınvestıtsııalar 13%-ǵa ulǵaıyp, tarıhı rekord — 22,7 trln teńgege jetti. BUU-nyń Azııa men Tynyq muhıtqa arnalǵan Ekonomıkalyq jáne áleýmettik komıssııasy málimetteri boıynsha, ótken jyly Qazaqstan Greenfield jobalaryna 19 mlrd dollarǵa jýyq sheteldik ınvestıtsııa tartty, bul Ortalyq Azııadaǵy barlyq ishki aımaqtyq ınvestıtsııalardyń shamamen 89%-yn quraıdy, — delingen habarlamada.

Tek ótken jyly 10 mlrd dollardan astam jalpy quny bar 330 joba iske qosyldy, sonyń ishinde KIA Qazaqstan jáne Astana Motors avtokólik zaýyttary, EkibastuzFerroAlloys ferrosılıtsıı óndirisi, Altaı-Maı maıly daqyldar óndirisi jáne basqalary bar.

— Úkimet 2030 jylǵa deıingi Investıtsııalyq saıasat tujyrymdamasyn jańartty jáne proaktıvti ınvestıtsııalyq saıasatty engizýde, onda bólek ról «Báıterek» holdıngine berilgen. Ol ulttyq ınvestıtsııalyq holdıngke aınaldy jáne Investıtsııalyq qyzmet (Investment Board) quryldy. Aıryqsha nazar ınvestıorlardyń quqyqtaryn barlyq jumys kezeńderinde qorǵaýdy kúsheıtýge aýdarylady, bul memleketke degen senimniń negizi bolyp tabylady, — dedi Roman Sklıar.

Onyń aıtýynsha, ınvestor quqyqtaryn qorǵaý arhıtektýrasy nyǵaıtylýda. 60 mln dollardan asatyn jobalar úshin ınvestıtsııalyq kelisim quraly qoldanylady, ol zańnama turaqtylyǵyn 25 jylǵa qamtamasyz etedi. Qazirgi tańda mundaı 53 kelisim jasalǵan.

— Investorlardy qorǵaýda prokýratýra organdarynyń úlken rólin atap ótti, aldyn alý sharalaryn qabyldaý qajettigine nazar aýdardy, — Danııa Espaeva.

Al Qanat Sharlapaev eldiń ınvestıtsııalyq klımaty birneshe negizgi faktorǵa tikeleı baılanysty ekenin alǵa tartty.

— Bıznesti uzaq merzimdi josparlaý úshin «oıyn erejeleri» boljamdy jáne turaqty bolýy asa mańyzdy. Zańnamalyq bazanyń turaqtylyǵyn arttyrý boıynsha birlesken jumys ınvestıtsııalardyń aǵymyna myqty serpin beredi dep senemiz. Sot organdarynyń táýelsizdigin ári qaraı nyǵaıtý, sýdıalardyń biliktiligin arttyrý jáne sot praktıkasynyń birizdiligin qamtamasyz etý ınvestorlardyń quqyqtaryn sottyq qorǵaýǵa degen senimin edáýir arttyrady, — ol.

Osy jıynda Bas prokýratýra ınvestıtsııalardy qorǵaýda «100% kepildik» júıesin engizgenin habarlady.