«Investıtsııanyń ornyna - tarıf»: Prezıdent jańa tarıftik saıasat usyndy

NUR-SULTAN. QazAqparat – Memleket basshysy Qasym-Jomart Toqaev Qazaqstan halqyna Joldaýynda tarıfterdi qoldan tejeýdiń ornyna jańa tarıftik saıasat engizýdi usyndy, dep habarlaıdy QazAqparat tilshisi.

«Elimizde elektrmen jabdyqtaý jelisiniń úshten biriniń, jylý kommýnıkatsııasynyń 57%-ynyń jáne sý qubyry jelisiniń jartysyna jýyǵynyń tozyǵy jetken. Bul sandardyń ózi-aq naqty ahýaldy kórsetip tur», - degen Prezıdent tarıfterdi qoldan tejeý aýyq-aýyq irkilisterge, avarııalarǵa soqtyryp, sonyń kesirinen azamattardyń ómiri men densaýlyǵyna qaýip týýy múmkin ekenin eske saldy.

«Monopolııaly naryqtarda «Investıtsııanyń ornyna tarıf» atty jańa tarıftik saıasatqa kóshý qajet.

Jeliler men qýattardyń tozý kórsetkishin keminde 15%-ǵa deıin tómendetý kerek», - dedi Memleket basshysy.

Budan buryn habarlanǵandaı, Joldaýdyń negizgi bóligi elimizdiń áleýmettik-ekonomıkalyq damýyna arnalady.