Investıtsııalyq kelisimder boıynsha 2009-2015 jyldary 1 trıllıon 140 mıllıard teńge qarjy tartý boljanýda - Baqytjan Jaqsalıev
MATY. 1 qarasha. QazAqparat /Erlik Erjanuly/ - 2015 jyly shamamen 103 mlrd KVt/saǵat elektr energııasy óndiriledi. Bul týraly búgin Almatyda ótip jatqan "Innovatsııalar, energııa jáne resýrs jınaqtaý tehnologııalary elektr energetıka salasyn jańartýdyń negizi" dep atalatyn energetıkalyq forýmynda aıtyldy.
"Sońǵy 2 jylda shekti tarıf baǵdarlamasy engizilip, júzege asyrylýda. Sonyń nátıjesinde elektr energııasy stantsııalary 2015-2020 jyldary óz qýatyn damytýdy josparlap, iri banktik qaryzdardy tartýǵa múmkindik aldy. Bul aıtarlyqtaı kapıtal syıymdylyǵy bar jumystardy jasaýǵa jáne resýrstyq qýatty qalpyna keltirýge jol ashty", - deıdi ındýstrııa jáne jańa tehnologııalar vıtse-mınıstri Baqytjan Jaqsalıev.
Onyń aıtýynsha, energetıka salasyn damytýda jelilik kompanııalardaǵy tarıfti qalyptastyrý ádistemesin jetildirýdiń ózindik orny bar. Bul kiristi turaqtandyrý men ınvestıtsııa tartýǵa múmkindik beredi. Máselen, 2009-2015 jyldary ınvestıtsııalyq kelisim boıynsha energetıka salasyna 1,1 trıllıon teńge ınvestıtsııa tartý boljanýda.
