Investıtsııalar jáne damý mınıstrligi Indýstrııalandyrý baǵdarlamasynyń formatyn ózgertpek

ASTANA. QazAqparat - QR Investıtsııalar jáne damý mınıstrligi IID MB baǵdarlamasyna ózgerister engizý jobasyn daıyndamaq. Bul týraly búgin QR Ulttyq kásipkerler palatasynda ótken jıynda QR Investıtsııalar jáne damý vıtse-mınıstri Rahym Oshaqbaev málim etti.

«Birinshi, biz baǵdarlamany «White paper» (Aq qaǵaz) formatynda jasaýdy usynamyz. Ol kez kelgen paıdalanýshyǵa óte túsinikti jáne oqýǵa jeńil bolady. Óńdeýshi salada jasalatyn ónerkásiptik saıasattyń barlyq josparlaryn sarapshylar, aýdan jáne sala sýbektileri úshin uǵynyqty bolýy tıis. Ekinshi, bizdiń aldymyzda baǵdarlamany qyzmettik-ındýstrıalyq modelge kóshý mindeti qoıylǵanyna qaramastan, mınıstrlik osy mindetti túrli baǵdarlamalarǵa úlestirýdi usynady. Onyń ishinde qyzmet kórsetý salasy da kiredi», - dep atap ótti vıtse-mınıstr.

Eske sala keteıik, Memleket basshysy QR Indýstrıalyq-ınnovatsııalyq damý memlekettik baǵdarlamasynyń ekinshi besjyldyǵyn júzege asyrýdyń negizgi tetikterin ózgertýdi tapsyrǵan bolatyn. Birinshi kezekte ol baǵdarlamanyń bazalyq sharttaryn ózgertýge qatysty bolyp otyr.