Investıtsııalar jáne damý mınıstri Facebook-ke tirkeldi
ASTANA. QazAqparat - Investıtsııalar jáne damý mınıstri Jeńis Qasymbek Facebook áleýmettik jelisinde jeke paraqshasyn ashty.
Onyń sózi boıynsha, bul mınıstrlik pen azamattar arasynda jedel baılanys ornatýǵa sep bolmaq.
«Qymbatty dostar! Feısbýktegi paraqsha meniń atqaryp otyrǵan qyzmetime baılanysty ashyldy. Búginde áleýmettik jeliler zamanaýı qoǵam ómirinde orasan zor ról atqarady. Olardyń basty erekshelikteri ınterbelsendilik, keribaılanys mehanızmderi, onyń ishinde azamattardyń suranysyna qolma-qol nazar aýdarý múmkindigi bolyp tabylady», - dep atap ótti mınıstr Facebook-te jarııalaǵan alǵashqy jazbasynda.
«Qazaqstan Respýblıkasy Investıtsııa jáne damý mınıstrligi - elimizdegi eń ashyq memlekettik organdardyń biri. Biz budan bylaı da ashyq aqparattyq saıasatty ustanatyn bolamyz. Sizderdi mınıstrliktiń qyzmetine baılanysty eń ózekti máseleler jóninde udaıy habardar etip otyrýǵa tyrysamyn. Sizdermen ózara tıimdi yntymaqtastyq ornaýyna úmittimin», - dedi J. Qasymbek.
